ރާއްޖޭން ބޭރުގައި ބަހައްޓާ ވޯޓުފޮށިތަކަށް ވޯޓުލާން ރަޖިސްޓަރީކޮށްފައި ވަނީ 6223 މީހުން
ދެވަނަ ބުރުގައި، ރާއްޖޭން ބޭރުގައި ވޯޓުލުމަށް ރަޖިސްޓަރީކޮށްފައި ވަނީ 6223 މީހުން
2023 ރިޔާސީ އިންތިހާބުގެ ފުރަތަމަ ބުރުގެ ތެރެއިން
ރިޔާސީ އިންތިހާބުގެ ދެވަނަ ބުރުގައި ރާއްޖޭން ބޭރުގައި ބަހައްޓާ ވޯޓުފޮށިތަކަށް ވޯޓުލާން ރަޖިސްޓަރީކޮށްފައި ވަނީ 6223 މީހުން ކަމަށް އިލެކްޝަންސް ކޮމިޝަނުން ބުނެފިއެވެ.
އިލެކްޝަންސް ކޮމިޝަނުން ބުނީ ރިޔާސީ އިންތިހާބުގެ ދެވަނަ ބުރުގައި ރާއްޖެއިން ބޭރުގައި 9 ވޯޓު ފޮއްޓެއް ބެހެއްޓުމަށް ނިންމާފައިވާކަމަށެވެ. ވޯޓު ފޮށި ބެހެއްޓުމަށް ނިންމާފައިވަނީ 5 ގައުމެއްގައެވެ. އެއީ ޔޫއޭއީ، އިންޑިއާ، ލަންކާ، މެލޭޝިއާ އަދި އިނގިރޭސިވިލާތުގައެވެ. އިލެކްޝަންސް ކޮމިޝަންގެ ނައިބުރައީސް އިސްމާއީލް ހަބީބު ވިދާޅުވީ، ރިޔާސީ އިންތިހާބު 2023ގެ ފުރަތަމަ ބުރުގައި، ރާއްޖޭން ބޭރުގައި ވޯޓުލުމަށް ރަޖިސްޓަރީ ކޮށްފައިވަނީ 3327 މީހުން ކަމަށާއި، އަދި ދެވަނަ ބުރުގައި، ރާއްޖޭން ބޭރުގައި ވޯޓުލުމަށް ރަޖިސްޓަރީ ކޮށްފައިވަނީ 6223 މީހުން ކަމަށެވެ.
ބޭރުގެ ވޯޓުފޮށިތަކުގައި ރަޖިސްޓްރީވެފައިވާ މީހުންގެ ތަފްސީލު:
- ޔުނައިޓެޑް އަރަބް އެމިރޭޓްސް (އަބޫދާބީ) 442 މީހުން
- އިންޑިއާ (ޓްރިވެންޑްރަމް 1 ނަންބަރު ފޮށި) 608 މީހުން
- އިންޑިއާ (ޓްރިވެންޑްރަމް 2 ނަންބަރު ފޮށި) 455 މީހުން
- ސްރީލަންކާ (ކޮލަމްބޯ 1 ނަންބަރު ފޮށި) 670 މީހުން
- ސްރީލަންކާ (ކޮލަމްބޯ 2 ނަންބަރު ފޮށި) 640 މީހުން
- މެލޭޝިއާ (ކުއާލަލަމްޕޫރް 1 ނަންބަރު ފޮށި) 915 މީހުން
- މެލޭޝިއާ (ކުއާލަލަމްޕޫރް 2 ނަންބަރު ފޮށި) 780 މީހުން
- މެލޭޝިއާ (ކުއާލަލަމްޕޫރް 3 ނަންބަރު ފޮށި) 825 މީހުން
- އިނގިރޭސި ވިލާތް (ލަންޑަން) 888 މީހުން
30 ވަނަ ދުވަހު އޮންނަ ރިޔާސީ އިންތިހާބުގެ ދެވަނަ ބުރުގައި ބޭރުގައި ބަހައްޓާ ވޯޓު ފޮށިތަކުގެ ވޯޓުލުން ފެށޭނެ ގަޑިތައްވެސް އިލެކްޝަންސް ކޮމިޝަނުން ވަނީ އާންމުކޮށްފައެވެ.
- އެކުވެރި އަރަބި އިމާރާތް (އަބޫ ދާބީ) - ވޯޓުލުން ފަށާނީ ހެނދުނު 8:00ގައި އަދި ނިންމާނީ ހަވީރު 5:00ގައި
- އިންޑިއާ (ޓްރިވެންޑްރަމް) - ވޯޓުލުން ފަށާނީ ހެނދުނު 8:30ގައި އަދި ނިންމާނީ ހަވީރު 5:30ގައި
- ސްރީލަންކާ (ކޮލަމްބޯ) - ވޯޓުލުން ފަށާނީ ހެނދުނު 8:30ގައި އަދި ނިންމާނީ ހަވީރު 5:30ގައި
- އިނގިރޭސިވިލާތް (ލަންޑަން) - ވޯޓުލުން ފަށާނީ ހެނދުނު 8:30ގައި އަދި ނިންމާނީ ހަވީރު 5:30 ލގައި
- މެލޭޝިއާ (ކުއަލަލަމްޕޫރް) - ވޯޓުލުން ފަށާނީ ހެނދުނު 11:00ގައި އަދި ނިންމާނީ ރޭގަނޑު 8:00ގައި
ބޭރުގައި ބަހައްޓާ ވޯޓު ފޮށިތަކުގެ ވޯޓުލާ ގަޑި ބަޔާންކޮށްފައިވަނީ އެ ގައުމެއްގެ ގަޑިންނެވެ.
