އައްޑޫ ސިޓީގައި 31 ވޯޓް ފޮށި ބަހައްޓާނެ: އިލެކްޝަން ކޮމިޝަން
4 މެއި 2017 | ބުރާސްފަތި 08:08ހިތަދޫގެ 3 ދާއިރާގެ ރައްޔިތުން ވޯޓު ލުމަށް 15 ވޯޓް ފޮށި
މިދިޔަ އަހަރު ބޭއްވި ލޯކަލް ކައުންސިލް އިންތިޚާބްގެ ތެރެއިން
އަންނަ ހޮނިހިރު ދުވަހު ބާއްވާ ލޯކަލް ކައުންސިލް އިންތިހާބުގައި އައްޑޫ ސިޓީގައި 31 ވޯޓް ފޮށި ބަހައްޓާނެ ކަމަށް އިލެކްޝަން ކޮމިޝަނުން ބުނެފިއެވެ.
އައްޑޫ ސިޓީ ހިތަދޫ އުތުރު ދާއިރާއި، ހިތަދޫ މެދު ދާއިރާއި، ހިތަދޫ ދެކުނު ދާއިރާގެ ރައްޔިތުން ވޯޓްލުމަށް 15 ވޯޓު ފޮށްޓެއް ބަހައްޓާއިރު، ފޭދޫގައި 5 ވޯޓް ފޮއްޓެއް ބެހެއްޓުމަށް ވަނީ ނިންމާފައެވެ. ހުޅުދޫއާއި މީދޫގައި ޖުމްލަ ހަ ވޯޓް ފޮށި ބަހައްޓާއިރު މަރަދޫގައި ވެސް 3 ވޯޓް ފޮށި ބެހެއްޓުމަށް ވަނީ ނިންމާފައެވެ. އަދި މަރަދޫފޭދޫގައި ދެ ވޯޓް ފޮށި ބެހެއްޓުމަށް ހަމަޖެހިފައިވާ ކަމަށް އިލެކްޝަން ކޮމިޝަނުން ވަނީ ބުނެފައެވެ.
އައްޑޫ ސިޓީ ކައުންސިލަށް ޖުމްލަ 19 ކެނޑިޑޭޓުން ކުރިމަތިލާފައިވާއިރު، އިންތިހާބު ވަނީ ހަތް ކެނޑިޑޭޓުންނެވެ. އެމްޑީޕީ އަދި ޕީޕީއެމުން ކޮންމެ ޕާޓީއަކުން ހަތް ކެނޑިޑޭޓުން ވާދަ ކުރިއިރު އަމިއްލަ ގޮތުން ވަނީ ފަސް ކެނޑިޑޭޓުން ވާދަކޮށްފައެވެ.
އިންތިޚާބާ ގުޅިގެން ވާންޖެހޭ އެންމެ ފަހުގެ ތައްޔާރީތަށް އިލެކްޝަންސް ކޮމިޝަނުން ވަމުން އަންނަ އިރު، ކައުންސިލް އިންތިހާބާ ގުޅޭ ޝަކުވާ ހުށައެޅުމަށް އައްޑޫ ސިޓީ ކައުންސިލްގައި ވަނީ ކޮމްޕްލައިންސް ބިއުރޯއެއް ގާއިމްކޮށްފައެވެ. އިންތިހާބާ ގުޅޭ ޝަކުވާ ހުށައެޅުމުގެ ފޯމް އައްޑޫ ސިޓީ ކައުންސިލް އިދާރާއިން ލިބެން ހުންނާނެ ކަމަށް ވެސް އިލެކްޝަން ކޮމިޝަނުން ވަނީ ބުނެފައެވެ.
ލޯކަލް ކައުންސިލް އިންތިހާބުގެ ވޯޓްލުން ކުރިއަށް ދާނީ އަންނަ ހޮނިހިރު ދުވަހުއެވެ.
