އައްބާސް އދ. އަށް: ފަލަސްތީނުގެ ޙައްޤުތައް ނެތި މެދުއިރުމަތީގެ ސުލްޙައެއް ނޯންނާނެ
22 ސެޕްޓެމްބަރު 2023 | ހުކުރު 06:39އައްބާސް ތަޤުރީރު ކުރައްވާފައި މިވަނީ ރައީސް ޖޯ ބައިޑަން އާއެކު ނަތަންޔާހޫ ބައްދަލުވުމެއް ބޭއްވިތާ އެއްދުވަސް ފަހުން
އދ.ގެ އާންމު މަޖިލީހުގައި މަހްމޫދު އައްބާސް ވާހަކަފުޅު ދައްކަވަނީ
ފަލަސްތީނުގެ ޙައްޤުތައް ނެތި މެދުއިރުމަތީގައި ސުލްހައެއް ނޯންނާނެ ކަމަށް ވިދާޅުވެ ފަލަސްތީނުގެ ރައީސް މަހުމޫދު ޢައްބާސް އދ މަޖްލީހުގައި ތަޤްރީރު ކުރައްވައިފިއެވެ.
އދ.ގެ އާންމު މަޖިލީހުގައި ތަޤުރީރު ކުރައްވަމުން ފަލަސްތީނުގެ ލީޑަރު މަހްމޫދު އައްބާސް ވިދާޅުވީ ފަލަސްތީނުގެ ރައްޔިތުންނަށް އެމީހުންގެ ފުރިހަމަ، ޤާނޫނީ ޤައުމީ ހައްޤުތައް ލިބިގެން ނޫނީ މެދުއިރުމަތީގައި ސުލްހަ ގާއިމު ނުކުރެވޭނެ ކަމަށެވެ.
ފަލަސްތީނުގެ މިނިވަން ދައުލަތެއް އުފެއްދުމާ ގުޅޭ ބައިނަލްއަޤުވާމީ ކޮންފަރެންސެއް ބޭއްވުމަށް އދގެ ސެކްރެޓަރީ ޖެނެރަލް އެންޓޯނިއޯ ގުޓަރޭޒްގެ އަރިހުން އުމުރުފުޅުން 87 އަހަރުގެ ތަޖުރިބާކާރު ލީޑަރު ވަނީ އިލްތިމާސެއްވެސް ކުރައްވާފައެވެ.
އިސްރާއީލުގެ ބޮޑުވަޒީރު ބެންޖަމިން ނަތަންޔާހޫގެ ހަރުކަށި ފިކުރުގެ ސަރުކާރާ އެކު، ތާރީޚީ ގޮތުން ދެ ގައުމުގެ ދެމެދުގައި ސުލްހައިގެ މައި މަރުކަޒު އޮންނަ އެމެރިކާ އިން ވަނީ މަޝްވަރާތައް ހުއްޓާލައިފަ އެވެ.
އައްބާސް ވިދާޅުވީ އދ.ގެ ކޮންފަރެންސަކީ ދެ ދައުލަތުގެ ހައްގު ސަލާމަތްކޮށް، ހާލަތު އިތުރަށް ސީރިއަސްވެ، އެ ސަރަހައްދާއި މުޅި ދުނިޔޭގެ ސަލާމަތާއި ހަމަޖެހުމަށް ނުރައްކާވާ ފަދަ އެންމެ ފަހު ފުރުސަތަކަށް ވެދާނެ ކަމަށެވެ.
އައްބާސް ތަޤުރީރު ކުރައްވާފައި މިވަނީ އެމެރިކާގެ ރައީސް ޖޯ ބައިޑަންއާ އެކު ބޭއްވެވި ބައްދަލުވުމެއްގައި ސައުދީން ހުށަހެޅި ސުލްހައިގެ ހުށަހެޅުންތަކާ ބެހޭ ގޮތުން ނަތަންޔާހޫ މަޝްވަރާ ކުރެއްވިތާ އެއް ދުވަސް ފަހުންނެވެ.
އިސްރާއީލާއި އެމެރިކާ އިން ދެކޭ ގޮތުގައި އިސްލާމްދީނުގެ އެންމެ މާތް ދެ ތަނުގެ ބެލެނިވެރި ފަރާތް ކަމުގައިވާ ސައުދީ އަރަބިއްޔާއާއެކު އޮންނަ އިޒްރޭލުގެ ގުޅުމަކީ މެދުއިރުމައްޗަށް ސުލްހު ގެނެވޭނެ އިންގިލާބީ ގުޅުމަކަށް ވާނެ އެވެ.
