ކޮންޓޭ އާއި މޮރީނިއޯ ގެނައުމަކީ ހެދުނު ގޯހެއް: ޓޮޓެންހަމް ޗެއާމަން

ޓޮޓެންހަމް ހޮޓްސްޕާސްއަށް ތަޖުރިބާކާރު ދެ ކޯޗުން ކަމަށްވާ ހޯސޭ މޮރީނިއޯ އާއި އެންޓޯނިއޯ ކޮންޓޭ ގެނައުމަކީ ހެދުނު ވަރަށް ބޮޑު ގޯހެއް ކަމަށް އެކުލަބުގެ ޗެއާމަން ޑެނިއަލް ލެވީ ބުނެފި އެވެ.

އޭނާ ބުނީ އެ ދެ ކޯޗުންނަކީ މޮޅު ދެ ކޯޗުން ކަމަށާއި ނަމަވެސް އެމީހުން ޓޮޓެންހަމަށް ފިޓްނުވާ ކަން އެނގުނީ ފަހުން ކަމަށެވެ. ސަބަބަކީ އެ ދެ ކޯޗުންނަކީ ވެސް އިނގިރޭސި ޕްރެމިއާ ލީގު ހޯދާފައިވާ ކާމިޔާބު ދެ ކޯޗުންނަށްވުން ކަމަށެވެ.

އާޖެންޓީނާގެ ކޯޗު މައުރީސިއޯ ޕޮޗެޓީނޯ ޓޮޓެންހަމް ދޫކޮށްލީ ޗެމްޕިއަންސް ލީގުގެ ފައިނަލަށް ޓީމު ގެންގޮސްދީފަ އެވެ. އެއަށްފަހު ޓީމާ ހަވާލުވި މޮރޯނިއޯ އާއި ކޮންޓޭ އަށް ވެސް ކުލަބާ ވަކިވާން ޖެހުނީ އެންމެ 18 މަސް ދުވަހުގެ ތެރޭގަ އެވެ.

ކޮންޓޭ އަށް ފަހު ޓޮޓެންހަމުގައި މިވަގުތި ހުރީ ސެލްޓިކްގެ ކުރީގެ ކޯޗު އޮސްޓްރޭލިޔާގެ އެންޖޭ ޕޮސްޓެކޮގްލޫ އެވެ. އޭނާގެ ކޯޗުކަމުގައި މި ސީޒަން ފަށައި ޓީމު އޮތީ ޕްރެމިއާ ލީގުގެ ދެ ވަނާގަ އެވެ.