ވިލުފުށީ ގޮނޑުދޮށް ހިމާޔަތް ކުރުމާއި މޫދަށް އެރޭ ސަރަހައްދު ހެދުމުގެ މަޝްރޫއުގެ އަމަލީ މަސައްކަތް ފަށައިފި
އަމަލީ މަސައްކަތް ފަށަފައިވަނީ 18 އޮގަސްޓް 2023ގައި
ލައިޝާ އަހްމަދު | 20 ސެޕްޓެމްބަރު 2023 | ބުދަ 07:49
ވިލުފުށީ ގޮނޑުދޮށް ހިމާޔަތް ކުރުމާއި މޫދަށް އެރޭ ސަރަހައްދު ހެދުމުގެ މަޝްރޫޢު
ތ.ވިލުފުށީ ގޮނޑުދޮށް ހިމާޔަތް ކުރުމާއި މޫދަށް އެރޭ ސަރަހައްދު ހެދުމުގެ މަޝްރޫޢުގެ މަސައްކަތް މޮބަލައިޒްކޮށް އަމަލީ މަސައްކަތް ފަށައިފިއެވެ.
ޕްލޭނިންގ މިނިސްޓްރީން މައުލޫމާތު ދޭ ގޮތުގައި މި މަސައްކަތުގެ ސައިޓް މޮބިލައިޒް ކޮށްފައިވަނީ 24 ޖެނުއަރީ 2023ގައެވެ.
އަދި އަމަލީ މަސައްކަތް ފަށައިފައިވަނީ 18 އޮގަސްޓް 2023ގަ އެވެ.
މި މަޝްރޫޢުގެ މަސައްކަތަކީ 11،192،295.14 ރުފިޔާއަށް މޯލްޑިވްސް ޓްރާންސްޕޯޓް އެންޑް ކޮންޓްރެކްޓިން ކޮމްޕެނީއާ ހަވާލުކޮށްގެން ކުރިއަށް ގެންދާ މަސައްކަތެކެވެ.
