ރިޔާސީ އިންތިޚާބުގެ ފުރަތަމަ ބުރުގެ ރަސްމީ ނަތީޖާ އިއުލާންކޮށްފި

ސެޕްޓެމްބަރ މަހުގެ 9 ވަނަ ދުވަހު އޮތް މިއަހަރުގެ ރިޔާސީ އިންތިޚާބުގެ ފުރަތަމަ ބުރުގެ ރަސްމީ ނަތީޖާ އިލެކްޝަންސް ކޮމިޝަން (އީސީ)ން އިއުލާންކޮށްފިއެވެ.

އިންތިޚާބީ މަރުކަޒު ދަރުބާރުގޭގައި ބޭއްވި ނޫސްވެރިންގެ ބައްދަލުވުމުގައި ރިޔާސީ އިންތިޚާބުގެ ފުރަތަމަ ބުރުގެ ރަސްމީ ނަތީޖާ އިއުލާންކޮށްދެއްވީ ކޮމިޝަންގެ ރައީސް ފުއާދު ތައުފީގެވެ.

ރަސްމީ ނަތީޖާއަށް ބަލާލާއިރު އިންތިޚާބުގައި ވޯޓުލާފައިވަނީ ވޯޓުލުމުގެ ހައްގު ލިބިފައިވާ 282،395 މީހުންގެ ތެރެއިން 225،486 މީހުންނެވެ. އެއީ 79.85 އިންސައްތައެވެ.

އިންތިޚާބުގެ ރަސްމީ ނަތީޖާ:

އިންތިޚާބުގެ ނަތީޖާ ދައްކާގޮތުން 4،835 ވޯޓަކީ ބާތިލު ވޯޓެވެ. އަދި ޞައްހަ ވޯޓުގެ އަދަދަކީ 220،651 އެވެ.

އިންތިޚާބުގެ ނަތީޖާދައްކާގޮތުން އެއްވެސް ކެންޑިޑޭޓަކަށް ވޯޓުގެ 50 އިންސައްތަ ލިބިވަޑައިގެންފައިނުވާތީ މިމަހުގެ 30 ވަނަ ދުވަހު ވޯޓުގެ ދެވަނަ ބުރެއް ބޭއްވުމަށް ވަނީ ހަމަޖެހިފައެވެ.

ދެވަނަ ބުރުގައި ވާދަކުރައްވާނީ އެންމެ ގިނައިން ވޯޓު ލިބިވަޑައިގެންނެވި ޕީއެންސީގެ ކެންޑިޑޭޓް ޑރ މުހައްމަދު މުއިއްޒު އާއި އެމްޑީޕީގެ ކެންޑިޑޭޓް ރައީސުލްޖުމްހޫރިއްޔާ އިބްރާހީމް މުހައްމަދު ޞާލިހެވެ.