ޕީޕީއެމުން ވަކިވެވަޑައިގެން، ވަކީލު އާސިފް އެމްޑީޕީއަށް!
އެމްޑީޕީއަށް ސޮއިކުރެއްވުމަށްފަހު އެ ޕާޓީގެ ޗެއަރޕަރސަން ފައްޔާޒް އިސްމާއީލް އަތްޕުޅަށް އޭނާ ވަނީ ފޯމް އަރުވާފައި
ވަކީލު އާސިފު އެމްޑީޕީއަށް ސޮއިކުރެއްވުމަށްފަހު ފޯމް ޗެއަރޕަރސަން އަތްޕުޅަށް ފޯމު އަރުވަނީ
ކުރީގެ ރައީސް އަބްދުﷲ ޔާމީން އަބްދުލްގައްޔޫމްގެ ގާނޫނީ ޓީމްގައި ހިމެނިވަޑައިގަންނަވާ އާދަމް އާސިފް އެމްޑީޕީއަށް ސޮއިކުރައްވައިފިއެވެ.
އާސިފް ވަނީ އެމްޑީޕީއަށް ސޮއިކުރެއްވުމަށްފަހު އެ ޕާޓީގެ ޗެއަރޕަރސަން، ފައްޔާޒް އިސްމާއީލް އަތްޕުޅަށް ފޯމް އަރުވާފައެވެ.
ޕީޕީއެމްގެ މުޒާހަރާތަކުން ހައްޔަރުކުރާ މީހުންގެ ގާނޫނީ ވަކީލެއްގެ ގޮތުގައިވެސް ހަރަކާތްތެރިވެ ވަޑައިގަންނަވަމުން ގެންދެވީ އާސިފެވެ.
ޕީޕީއެމްގެ އިސްތިއުނާފް ކޮމެޓީގެ މެންބަރުކަންވެސް ކުރައްވާ އާސިފަކީ، ރައީސް ޔާމީން މިނިވަންކުރުމަށް ގޮވައިލާ އިދިކޮޅުން ކުރިއަށް ގެންދިޔަ މުޒާހަރާތަކުގައާއި އެހެނިހެން ހަރަކާތްތަކުގައި ވެސް އެންމެ ކުރީ ސަފުން ފެންނަ މޫނެކެވެ.
