އެމްޓީސީސީ އާއި ޔަންމާ ކުންފުނި ގުޅިގެން 4 މިލިއަން ރުފިޔާގެ އިންޖީނު ޓްރެއިނިންގ އިންސްޓިޓިއުޓްތަކަށް ހަދިޔާކޮށްފި
7 ސެޕްޓެމްބަރު 2023 | ބުރާސްފަތި 01:58އިންޖީނުތަށް ހަދިޔާ ކުރެވުނީ ރާއްޖޭގައި މެރިން ދާއިރާއިން ޒުވާން މެކޭނިކުން ތަމްރީނުކޮށް މިދާއިރާ ފުޅާކުރުމަށް
އެމްޓީސީސީގެ އިޖުތިމާޢީ ޒިންމާ (ސ.ީއެސ.ްއާރް) ގެ ދަށުން “60U4Y “ގެ 11 އިންޖީނު ދިވެހިރާއްޖޭގެ ޓްރޭނިންގ އިންސްޓިޓިއުޓްތަކަށް ހަދިޔާކުރުން
އެމްޓީސީސީގެ އިޖުތިމާޢީ ޒިންމާ (ސ.ީއެސ.ްއާރް) ގެ ދަށުން “60U4Y “ގެ 11 އިންޖީނު ދިވެހިރާއްޖޭގެ ޓްރޭނިންގ އިންސްޓިޓިއުޓްތަކަށް ހަދިޔާކޮށްފިއެވެ.
އެމްޓީސީސީގެ ކަށަވަރު ޝޯރޫމްގައި ބޭއްވި ޙަފްލާއެއްގައ،ި އިންޖީނުތައް ޓްރޭނިންގ އިންސްޓިޓިއުޓްތަކުގެ ވެރިންނާއި ހަވާލުކޮށްދެއްވީ ކުންފުނީގެ ޗީފް އެގްޒެކެޓިވް އޮފިސަރ އާދަމް އާޒިމްއެވެ. މި އިންޖީނުތައް ހަދިޔާ ކުރެވުނު ޓްރޭނިންގް އިންސްޓިޓިއުޓްތަކަކީ، ދިވެހިރާއްޖޭގެ ޤައުމީ ޔުނިވަރސިޓީގެ ފެކަލްޓީ އޮފް އިންޖިނިއަރިންގ، މޯލްޑިވްސް ޕޮލިޓެކްނިކ،ް ޓެކްނިކަލް އެންޑް ވޮކޭޝަނަލް އެޑިއުކޭޝަން ސެންޓަރު (ޓިވެކް) ވިލާ ކޮލެޖް، މޯލްޑިވްސް އިންސްޓިޓިއުޓް އޮފް ޓެކްނޮލޮޖީ، އައިލެންޑް އިންސްޓިޓިއުޓް އޮފް ޓާރޝަރީ އެޑިއުކޭޝަނ،ް އަދި މޯލްޑިވްސް ނޭޝަނަލް ޑިފެންސް ފޯރސްއެވެ.
އެމްޓީސީސީ އާއި ޔަންމާ ކުންފުނިން ގުޅިގެން ހަދިޔާ ކުރެވުނު މި 11 އިންޖީނުގެ ޖުމްލަ އަގަކީ 4 މިލިއަން ރުފިޔާއެވެ. މި އިންޖީނުތަށް ހަދިޔާ ކުރެވުނީ ރާއްޖޭގައި މެރިން ދާއިރާއިން ޒުވާން މެކޭނިކުން ތަމްރީނުކޮށް މިދާއިރާ ފުޅާކުރުމާއ،ި އަދި ޙާއްސަކޮށް ޔަންމާ އިންޖީނު މަރާމާތުކޮށް ދިމާވާ މައްސަލަތައް ދެނެގަނެ އަޙުލުވެރިވެފައިވާ ގިނަ ޒުވާނުންތަކެއް ރާއްޖޭގެ އެކިކަންކޮޅުތަކުން ތަމްރީނުކުރުމުގެ މަޤްސަދުގައެވެ. ރިޔާތައް ތިރިކޮށް ދިވެހި އޮޑިތަކުގައި އިންޖީނު އަޅަންފެށީ 1973 ވަނަ އަހަރުއެވެ. އޭރު ސަރުކާރުން ހިންގަމުންދިޔަ "މޯލްޑިވްސް އިންޖީނު ސާވިސް ސެންޓަރު" އެމްޓީސީސީގެ ދަށަށް ގެނެސް "އެމްޓީސީސީ ސޭލްސް ސެންޓަރު"ގެ ނަމުގައި ހިންގަން ފެށި އެވ.ެ
އަދި އޭރުގެ ސަރުކާރުގެ ބެލެމުގެ ދަށުން ކުރިއަށްގެންދިޔަ އޮޑިދޯނިފަހަރުގެ އިންޖީނު އެޅުމުގެ ހުރިހާ ކަމެއް އެމްޓީސީސީގެ ދަށަށް ބަދަލުކުރެވުނެވެ. ކުންފުނީގެ ޅަފަތުގައި ފޯރުކޮށްދެމުންދިޔަ ޚިދުމަތްތަކުގެ ތެރޭގައި ދިވެހި މަސްވެރި އުޅަނދުފަހަރަށް ޙާއްސަކޮށް ޔަންމާ އިންޖީނު ވިއްކުމާއި އިންޖީނު އަޅައިދިނުން އަދި މަރާމާތު ކުރުމުގެ ޚިދުމަތް ހިމެނެއެވެ. އިންޖީނުލީ އޮޑީގެ ފަސޭހަތަކާއެކު މަސްވެރިކަމާއި ދަތުރުފަތުރުގެ ސިނާއަތް ފުޅާވެ ކުރިއެރުމުގެ ސަބަބުން ވިޔަފާރިއާއި އިޤްތިސާދީ ހަރަކާތްތައް ކުރިއަރާ ދިރިއުޅުމުގެ ހާލަތާއި ވައްޓަފާޅި ބަދަލުވާން ފެށިއެވެ. އޭރުގައި އަލަށް ފެށުނު ޓޫރިޒަމްގެ ދާއިރާ ތަރައްޤީ ވުމުގައި ވެސް އިންޖީނު އެޅި އުޅަނދުފަހަރުގެ ދަތުރުތައް މުހިންމު ދައުރެއް އަދާކޮށްފައިވެއެވެ.
