ލ.މާވަށުގެ ފެނުގެ ނިޒާމާއި ބަނދަރުގެ ބޭރު ތޮށި އަޕްގްރޭޑްކޮށް ނިމުން ފާހަގަކޮށްފި
މާވަށު ބަނދަރުގެ ބޭރުތޮށި އަޕްގްރޭޑްކުރުމުގެ މަސައްކަތްކޮށްފައި ވަނީ އެމް.ޓީ.ސީ.ސީ އިން
ލ.މާވަށުގެ ފެނުގެ ނިޒާމާއި ބަނދަރުގެ ބޭރު ތޮށި އަޕްގްރޭޑްކޮށް ނިމުން ފާހަގަކުރުން
ލ.މާވަށުގެ ފެނުގެ ނިޒާމުގެ ޚިދުމަތް ރަސްމީކޮށް ހުޅުވާ، އެ ރަށުގެ ބަނދަރުގެ ބޭރު ތޮށި އަޕްގްރޭޑްކޮށް ނިމުން ފާހަގަކޮށްފިއެވެ.
މިހާރު ލ.އަތޮޅުގެ ރަށްރަށަށް ކުރައްވަމުން ގެންދަވާ ދަތުރުފުޅުގެ ތެރެއިން ލ.މާވަށުގެ ފެނުގެ ނިޒާމުގެ ޚިދުމަތް ރަސްމީކޮށް ހުޅުއްވައިދެއްވާ، ލ.މާވަށުގެ ބަނދަރު ބޭރު ތޮށި އަޕްގްރޭޑްކުރުމުގެ މަޝްރޫޢުގެ ނިމުން ފާހަގަކޮށްދެއްވީ ރައީސުލްޖުމްހޫރިއްޔާ އިބްރާހީމް މުހައްމަދު ޞާލިހެވެ.
ލ. މާވަށުގެ ފެނުގެ ނިޒާމުގެ މަސައްކަތްކޮށްފައި ވަނީ އަލްޓެކް މޯލްޑިވްސް ޕްރައިވެޓް ލިމިޓެޑުންނެވެ. މިއީ 21 މިލިއަން ރުފިޔާގެ މަޝްރޫޢުއެކެވެ.
މީގެ އިތުރުން މާވަށު ބަނދަރުގެ ބޭރުތޮށި އަޕްގްރޭޑްކުރުމުގެ މަސައްކަތް ކޮށްފައި ވަނީ މޯލްޑިވްސް ޓްރާންސްޕޯޓް އެންޑް ކޮންޓްރެކްޓިންގ ކޮމްޕެނީ (އެމް.ޓީ.ސީ.ސީ)އިންނެވެ. މި މަޝްރޫޢުގެ ދަށުން ކޮށްފައިވާ މަަސައްކަތްތަކީ ބަނދަރާއި ނެރު ފުންކުރުމުގެ އިތުރުން ބޮޑުހިލަ ބޭނުންކޮށްގެން 284 މީޓަރުގެ ބޭރުތޮށި ލުމެވެ. އަދި 110 މީޓަރުގެ އެއްގަމު ތޮށިޖެހުމާއި 40 މީޓަރުގެ ރިވެޓްމަންޓް ޖެހުމާއި އަދި ބަނދަރާ ގުޅޭ އެހެން މަސައްކަތްތައް ވަނީ ކޮށްފައެވެ.
