އެންމެ ފަހުގެ ޗެމްޕިއަން، ރީޔޫނިއަން އަތުން އަންހެން ބެޑްމިންޓަން ޓީމް މޮޅު

2019 ވަނަ އަހަރުގެ އިންޑިޔަން އޯޝަން އައިލެންޑް ގޭމްސްގެ އަންހެން ޓީމް އިވެންޓްގައި ބެޑްމިންޓަން ޓީމަށް ރަން މެޑަލް ގެއްލުމުގައި ހުރަހަކަށްވި ރީޔޫނިއަން ބަލިކޮށް ރާއްޖޭގެ ޓީމުން އުއްމީދޫ ފެށުމެއް ހޯދައިފިއެވެ.

ފުރަތަމަ މެޗުގައި ރާއްޖެއިން ރީޔޫނިއަން ބަލިކުރީ 5-0ންނެވެ. މެޗުގައި ރާއްޖޭގެ ޓީމަށް ގެއްލުނީ އެންމެ ސެޓެކެވެ. ފުރަތަމަ ސިންގަލްސްގައި ފާތިމަތު ނަބާހާ ނިކުމެ ސީދާ ދެ ސެޓުން ބަލިކުރީ އެސްޓެލެ ލެޕާލާއެވެ. އެއީ 21-13, 21-10ންނެވެ. ދެވަނަ ސިންގަލްސްގައި އާމިނަތު ނަބީހާ ވަނީ ސީދާ ދެ ސެޓުން މަރީނާ ބިއެއްލެ ބަލިކޮށްފައެވެ. ސެޓްތައް ގެންދިޔައީ 21-14, 21-14ންނެވެ. ތިންވަނަ ސިންގަލްސްއަށް ނިކުތީ މައިސާ ފަތުހުﷲ އިސްމާއީލެވެ. އެމިލީ ގުރޮންޑިން އަތުން މޮޅުވީ ފަސޭހަ ކަމާއެކުއެވެ. އެއީ 21-6, 21-13ންނެވެ.

ޑަބަލްސްގައި ނަބާހާއާއި ނަބީހާ ފުރަތަމަ ނިކުމެ ލީ ހޯއާއި ވާޖިނީ ޓެސާން 21-5, 21-12އިން ބަލިކޮށްފައެވެ. ޑަބަލްސްގައި މައިސާ ނިކުތީ އާއިޝަތު އަފްނާން ރަޝީދުއާ އެކުއެވެ. މެޗު ރީޔޫނިއަން ޕެއާ ކާމިޔާބުކުރީ 2-1 ސެޓުންނެވެ. އެއީ 24-22, 15-21 އަދި 21-09ންނެވެ.

އާދިއްތަ ދުވަހުގެ މެޗުތަކަށްފަހު އަންހެން ޓީމަށް ރަން މެޑަލް ހޯދުމުގެ ފުރުސަތު އެބައޮތެވެ. އަންހެން ޓީމްގެ މެޗުތައް ކުރިއަށްދަނީ ކޮންމެ ޓީމެއް ކޮންމެ ޓީމަކާ ވާދަކުރާ އުސޫލުންނެވެ.