މަސްތުވާތަކެއްޗާ ދެކޮޅަށް ބާއްވާ ފުރަތަމަ އެކްސްޕޯ ބާއްވައިފި
މި އެކްސްޕޯ ހުޅުވައިދެއްވީ ރައީސުލްޖުމްހޫރިއްޔާގެ ނައިބު ފައިސަލް ނަސީމް
އެންޑީއޭގެ އެކްސްޕޯ ހުޅުވައިދެއްވާ ނައިބްރައީސް ބައްލަވާލައްވަނީ
މަސްތުވާތަކެއްޗާ ދެކޮޅަށް ބޭއްވި ފުރަތަމަ އެކްސްޕޯ "އަހަރެމެންނާއެކު" ބާއްވައިފިއެވެ.
މިއީ މަސްތުވާތަކެތީގެ ވަބާއިން މުޖުތަމަޢު ސަލާމަތްކުރުމަށް ހޭލުންތެރިކުރުމަށް ރާއްޖޭގައި ބޭއްވި ފުރަތަމަ އެކްސްޕޯއެވެ. އެކްސްޕޯ ބާއްވާފައިވަނީ ހުޅުމާލެ ރުއްގަނޑު އެކެއް ސަރަހައްދުގައެވެ. މިއީ ނެޝަނަލް ޑްރަގް އެޖެންސީއާއި، ކަމާއި ގުޅުންހުރި ބޭރު ޖަމިއްޔާތަކާއި ރާއްޖޭގެ އިދާރާތައް ގުޅިގެން ކުރިއަށްގެންދިޔަ އެކްސްޕޯއެކެވެ.
މި އެކްސްޕޯ ހުޅުވައިދެއްވީ ރައީސުލްޖުމްހޫރިއްޔާގެ ނައިބު ފައިސަލް ނަސީމެވެ.
މި އެކްސްޕޯގެ ބޭނުމަކީ މުޅި ދުނިޔެއަށްވެސް ކުރިމަތިވެފައި އޮތް އިޖްތިމާއީ މައްސަލަކަމުގައިވާ މަސްތުވަތަކެތީގެ މައްސަލައަށް އާންމު މުޖްތަމައު ހޭލުންތެރިކުރުވާ، ޕްރިވެންޝަނަށްޓަކައި ކުރާ މަސައްކަތުގައި މުޖްތަމައުގައި އޮންނަ ސްޓިގްމާ ކުޑަކޮށް ތަފާތު ނަޒަރަކުން ދެކިގެން ހެލްތް އެޕްރޯޗެއް ގޮތުގައި ދެކިގެން މިކަމުގެ މުހިންމުކަން ބުނެދިނުމެވެ.
މި އެކްސްޕޯ ހުޅުވުމުގެ ރަސްމިއްޔާތުގައި ވާހަކަދައްކަވަމުން ނެޝަނަލް ޑްރަގް އެޖެންސީގެ ސީއީއޯ އިމާދު ޞާލިހް ވިދާޅުވީ މިފަދަ އެކްސްޕޯއެއް ބޭއްވޭ ފުރަތަމަ ފަހަރުކަމުގައި ވެފައި ކުރިއަށް އޮތްތަނުގައި މިފަދަ އިތުރު އެކްސްޕޯ މިއަށްވުރެ ފުޅާކޮށް ރާއްޖޭގެ އެކި ހިސާބުތަކުގައި ބާއްވާނެ ކަމަށެވެ. ވަކިން ހާއްސަކޮށް އެންޑީއޭގެ ސެންޓަރުތައް ހުރި ހިސާބުތަކުގައި މި އެކްސްޕޯ ކުރިއަށް ގެންދަވާނެ ކަމަށެވެ.
މި ރަސްމިއްޔާތުގައި ނައިބުުރައީސް ފައިސަލް ނަސީމްގެ އިތުރުން، ހެލްތް މިނިސްޓަރ އަހުމަދު ނަސީމާއި، އެންޑީއޭގެ ބޯޑުގެ ޗެއަރމަން ޝަމާއު ޝަރީފް އަދި މުވައްޒަފުން ބައިވެރިވިއެވެ.
