ޕީސީބީގެ ވެބްސައިޓާއި، ސްޓްރެޓީޖިކް އެކްޝަން ޕްލޭން، އަދި އެސްއޯއީތަކުގެ މައުލޫމާތު ހިމެނޭ ގޭޓްވޭ އިފްތިތާހުކޮށްފި
ޕީސީބީގެ ރައީސް ވަނީ، ޕީސީބީގެ މަސައްކަތްތަކަށް މިއީ އުފާވެރި ދުވަހެއްކަން ފާހަގަކުރައްވާފައި
ޕީސީބީގެ ވެބްސައިޓާއި، ސްޓްރެޓީޖިކް އެކްޝަން ޕްލޭން އަދި އެސްއޯއީތަކުގެ މައުލޫމާތު ހިމެނޭ ގޭޓްވޭ އިފްތިތާހުކުރުން
ޕްރައިވެޓައިޒޭޝަން އެންޑް ކޯޕަރަޓައިޒޭޝަން ބޯޑު (ޕީސީބީ)ގެ ވެބްސައިޓާއި ޕީސީބީގެ ސްޓްރެޓީޖިކް އެކްޝަން ޕްލޭން، އަދި ގޭޓްވޭ އިފްތިތާހުކޮށްފިއެވެ.
މީރުމާ ހޯލުގައި ބޭއްވި އިވެންޓެއްގައި، ބުރާސްފަތި ދުވަހު ތައާރަފްކުރި ސްޓްރެޓީޖިކް އެކްޝަން ޕްލޭނަކީ 2028ގެ ނިޔަލަށް ޕީސީން ހާސިލުކުރާނެ ލަނޑުދަނޑިތަކާއެކު އެކުލަވާލާފައިވާ ޕްލޭނެކެވެ. އަދި ބުރާސްފަތި ދުވަހު ތައާރަފްކުރި ގޭޓްވޭއަކީ އެސްއޯއީތަކުގެ މައުލޫމާތު އެއްތަނަކުން ބަލައިލެވޭ ގޭޓްވޭއެކެވެ. އެ ރަސްމިއްޔާތުގައި ޕީސީބީގެ ސްޓްރެޓީޖިކަލް އެކްޝަން ޕްލޭން އިފްތިތާހުކޮށްދެއްވީ، އޮޑިޓަރ ޖެނެރަލް ހުސައިން ނިޔާޒީއެވެ. އަދި ވެބްސައިޓު ލޯންޗްކޮށްދެއްވީ ކެޕިޓަލް މާކެޓް ޑިވެލޮޕްމަންޓް އޮތޯރިޓީގެ ސީއީއޯ މުހައްމަދު ހުސައިން މަނިކެވެ. މީގެ އިތުރުން އެސްއޯއީތަކުގެ ގޭޓްވޭ އިފްތިތާހުކޮށްދެއްވީ އިންސްޓިޓިއުޓް އޮފް ޗާޓާޑް އެކައުންޓެންޓްސްގެ ނައިބު ރައީސް ހަސަން މުހައްމަދެވެ.
އެ ރަސްމިއްޔާތުގައި ވާހަކަފުޅުދައްކަވަމުން ޕީސީބީގެ އެކްޝަން ޕްލޭން އެކުލަވާލި ގޮތަށް އަލިއަޅުވާލައްވާފައެވެ. ޕީސީބީގެ މަސައްކަތްތަކަށް މިއީ އުފާވެރި ދުވަހެއްކަން އޭނާ ވަނީ ފާހަގަކުރައްވާފައެވެ. އާސިމް ވަނީ އެ ޕްލޭންގެ އަލީގައި، ދިމާވި ގޮންޖެހުންތަކާއި އޮނިގަނޑުގައި ފުށުއަރާ ކަންކަން އިސްލާހުކުރުމަށް މަސައްކަތް ކުރައްވާނެކަމަށް ވިދާޅުވެފައެވެ. އަދި މި ބަދަލުތަކާއެކު ލިބިގެންދާނެ ފައިދާތަކަށް އަލިއަޅުވާލެއްވިއެވެ. އެގޮތުން އެސްއޯއީ ގޭޓްވޭއަކީ އާއްމުންނަށް ވަރަށް ބޮޑު ލުއިފަސޭހަތަކެއް ލިބިގެންދާނެ ކަމެއް ކަމަށް ވިދާޅުވިއެވެ. ގާނޫނު ތަސައްވުރުކުރާ ސަރުކާރު ހިންގާ ކުންފުނިތަކުން ހިންގާ ކުންފުނިތައް ހަރުދަނާކޮށް، މުސްތަގްބަލަށް ކުންފުނިތައް ހިއްސާކުރުމަށް ޕީސީބީގެ އެކްޝަން ޕްލޭން އެހީވެދޭނެ ކަމަށްވެސް އޭނާ ވިދާޅުވިއެވެ.
އޭނާ ވިދާޅުވީ 6 ދާއިރާއަކުން މަސައްކަތްކޮށް، ކުންފުނިތަކުގެ ހިންގުން ހަރުދަނާކުރުމަށް ވަރަށް ބޮޑު އިސްކަމެއް ދެއްވާކަމަށެވެ. އެގޮތުން ކުރިއަށް އޮތް އަހަރު ނިމުމުގެ ކުރިން އެސްއޯއީތައް ކްލެސިފައިކޮށްފައިވާ ގޮތް މުރާޖައާކޮށް، ބަދަލުކުރުމަށް ހަމަޖެހިފައިވެއެވެ. އަދި ޕީސީބީގެ ގާނޫނު މުރާޖައާކޮށް، ގެންނަންޖެހޭ އިސްލާހުތައް މަޖިލީހަށް ފޮނުވުމާއި, ޕީސީބީގެ ހިންގުން އާ އޯގަނައިޒޭޝަން ސްޓްރަކްޗަރއަކަށް ބަދަލުކުރުމަށް ވަނީ ނިންމާފައެވެ.
ޕީސީބީން ވަނީ ކުންފުނިތަކުގެ ހިންގުން ހަރުދަނާކޮށް ރަނގަޅުކުރުމަށް ގިނަ މަސައްކަތްތަކެއް ކުރަމުންދާ ކަމަށް ބުނެފައެވެ.
