އޮލްމޯ ދޫނުކުރާނެ ކަމުގެ ޔަގީންކަން ލައިޕްޒިގުން ދީފި

އާރްބީ ލައިޕްޒިގަށް ކުޅެމުން އަންނަ ސްޕެއިންގެ ޒުވާން އެޓޭކިން މިޑްފީލްޑަރު ޑެނީ އޮލްމޯ ދޫނުކުރާނެ ކަމަށް އެކުލަބުގެ ޑައިރެކްޓަރު އޮލިވާ މިންޓްޒްލާފް ވިދާޅުވެއްޖެ އެވެ.

އޭނާ މިހެން ވިދާޅުވީ އުމުރުން 24 އަހަރުގެ ކުޅުންތެރިޔާ ހޯދުމުގެ ޝައުޤުވެރިކަން މެންޗެސްޓަރ ސިޓީ އާއި އެހެނިހެން ކުލަބުތަކުން ވެސް ގެންގުޅޭ ކަމަށް ވާހަކަ ދެކެވެނިކޮށެވެ. އެ ކުލަބާއެކު އޭނާ ސޮއި ކުރި އެއްބަސްވުމުގެ މުއްދަތު ހަމަވާން އޮތީ އަންނަ އަހަރަށެވެ. ނަމަބެސް މިއަހަރުގެ ކުރީކޮޅު އޮލްމޯ ވަނީ ލައިޕްޒިގްގެ އެއްބަސްވުން އިތުރު ތިން އަހަރަށް އައު ވެސް ކޮށްފަ އެވެ. އެހެންކަމުން އެ އެއްބަސްވުމުގެ މުއްދަތު ހަމަވާނީ 2027 ވަނަ އަހަރުގެ ޖޫން މަަހުގެ ނިޔަލަށެވެ.

އެކަމާ ގުޅިގެން ލައިޕްޒިގްގެ ޑައިރެކްޓަރު ވިދާޅުވީ، މި ސީޒަންގައި އެ ޓީމުގެ ސްކޮޑުގައި އޮލްމޯ ހިމެނޭނެ ކަމަށެވެ. އަދި ކުލަބުގެ ކޯޗުގެ ޕްލޭންގައި އޮލްމޯ އަކީ ވަރަށް މުހިންމު ކުޅުންތެރިޔެއް ކަމަށް ވެސް ވަނީ ވިދާޅުވެފަ އެވެ. އެނާ ވިދާޅުވީ އޮލްމޯ ހޯދުމަށް ކިތަންމެ ކުލަބަކުން ޝައުޤުވެރިވީ ނަމަވެސް، އޮލްމޯ ހުންނާނީ ލައިޕްޒިގުގައި ކަމަށެވެ. އޭނާ ފާހަގަ ކުރެއްވި ގޮތުގައި އޮލްމޯ އަކީ އެ ކުލަބުގައި މުސްތަޤުބަލު އޮތް ހުނަރުވެރި ކުޅުންތެރިޔެކެވެ.

އޮލްމޯ ވަނީ މިހާތަނަށް ލައިޕްޒިގަށް ކުޅެދިން 124 މެޗުގައި 24 ލަނޑު ޖަހައިފައެވެ. އެ ޓީމާއެކު އޭނާ ވަނީ ޖަރުމަނު ކަޕް ދެ ފަހަރު އަދި ޖަރުމަނު ސުޕަ ކަޕް ކާމިޔާބުކޮށްފަ އެވެ.