ސަރުކާރުގެ މުވައްޒަފުންނަށް ލުއި ފަސޭހަކުރުމަށް ރޯދަ މަހުގެ ފަހު ދިހައިގައި "ވޯކް ފްރޮމް ހޯމް"
ރައީސް ސާލިޙްގެ މި ވައުދުފުޅަކީ، "ހެޔޮވެރިކަން" ސިޔާސަތުގެ ދަށުން ވެވަޑައިގެންފާއިވާ ވައުދުފުޅެއް
ހެޔޮވެރިކަން ސިޔާސަތު އިއުލާން ކުރުމަށް، ބ. ދަރަވަންދޫގައި ބޭއްވި ޖަލްސާގެ ތެރެއިން
ރަމަޟާން މަހުގެ ފަހު ދިހައިގެ ދުވަސްތަކުގައި ގޭގައި ތިބެގެން މަސައްކަތް ކުރެވޭނޭ އުސޫލެއް ކަނޑައަޅައި ދެއްވާނެ ކަމަށް ރައީސުލްޖުމްޖހޫރިއްޔާ އަދި ގުޅިފައިވާ ޕާޓީތަކުގެ ރިޔާސީ ކެންޑިޑޭޓް އިބްްރާޙީމް މުޙައްމަދު ސާލިޙު ވައުދުވެވަޑައިގެންފިއެވެ.
އަންގާރަ ދުވަހުގެރޭ ބ. ދަރަވަންދޫގައި ބޭއްވި އުފާވެރި އަމާން ރާއްޖެ ކެމްޕެއިން ޖަލްސާގައި، "ހެޔޮވެރިކަން" ސިޔާސަތު ވަނީ އިއުލާންކުރައްވާފައެވެ. ރައީސް ސާލިޙްގެ މި ވައުދުފުޅަކީ، "ހެޔޮވެރިކަން" ސިޔާސަތުގެ ދަށުން ވެވަޑައިގެންފާއިވާ ވައުދުފުޅެކެވެ.
އެގޮތުން "ރަމަޟާން މަހުގެ ފަހު 10 ދުވަހަކީ ގިނަ ބަޔަކު ރޭ އަޅުކަމުގައި މަޝްޢޫލުވެގެން އުޅޭ ދުވަސްވަރުކަމަށްވާތީއާއި، މުވައްޒަފުންނަށް ލުއި ފަސޭހަކުރުމަށްޓަކައި، އެ ދުވަސްތަކުގައި ސަރުކާރުގެ މުވައްޒަފުން "ވޯކް ފްރޮމް ހޯމް" މޮޑަލިޓީއިން މަސައްކަތް ކުރާ ގޮތަށް ކަނޑައާޅާނެ" ކަމަށް މެނިފެސްޓޯގައި ބުނެފައިވެއެވެ.
ރައީސް ސާލީޙްގެ މި މުހިންމު ވައުދުފުޅު އިއުލާންކުރެއްވި އިރު ކޮންމެ އަހަރެއްގެ ރަމަޟާން މަހުގައިވެސް މަސައްކަތުގައި ހޭދަކުރަންޖެހޭ ވަގުތު މަދުކޮށްފައިވީނަމަވެސް، ގޭގައި ތިބެގެން މަސައްކަތްކުރެވޭނެ އިންތިޒާމެއް ނުވަތަ އުސޫލެއް މީގެ ކުރިން ހަމަޖެހިފައެއް ނެތެވެ. ނަމަވެސް ރައީސް ސާލިޙްގެ މި ވައުދުފުޅާ އެއްގޮތަށް މި އުސޫލު ތަންފީޒްކުރެވިއްޖެނަމަ، މިއީ ސަރުކާރުގެ މުވައްޒަފުންނަށް ރަމަޟާން މަހުގެ ފަހު ދިހައިގައި ލިބިގެންދާނެ ވަރަށް ބޮޑު ލުޔެކެވެ.
ރަމަޝާން މަހަކީ ﷲގެ ޙަޟްރަތަށް ކުރިމަތިލުމަށްޓަކައި، ލިބިގެންވާ ހެޔޮކަމުގެ މޫސުމަކަށްވާއިރު، އެ މަހުގެ ހެޔޮކަން ލިބިގަތުމަށްޓަކައި ގަދަ އަޅާ މަސައްކަޔް ކުރަން ޖެހެއެވެ. ނަމަވެސް ބައެއް ވަޒީފާތަކުގެ ސަބަބުން އެންމެ ބޭނުންވާ ގޮތަށް އެ ވަގުތު ހޭދަކުރުމަކީ ދަތިކަމަކަށް ވަނީ ވެފައެވެ.
