ކ. މާލެ
|
17 ޖުލައި 2017 | ހޯމަ 19:52
ރާއްޖޭގެ އެންމެ ބާރު ދުވުންތެރިޔާ ހަސަން ސާއިދު
ރާއްޖޭގެ އެންމެ ބާރު ދުވުންތެރިޔާ ހަސަން ސާއިދު
ފޭސްބުކް
އެތްލެޓިކްސް
މެލޭޝިއަން އޯޕަން އެތްލެޓިކްސް މުބާރާތުގެ 100 މީޓަރު ދުވުމުން އެއްވަނަ ސާއިދް ހޯދައިފި
 
މި މުބާރާތުގެ 200 މީޓަރު އިވެންޓުގައިވެސް ސާއިދް ވާދަކުރާނެ
 
ސާއިދް އެއްވަނަ ހޯދީ 10.49 ސިކުންތުން ރޭސް ނިންމައިގެން

މެލޭޝިއާގައި ކުރިއަށްދާ 94 ވަނަ މެލޭޝިއަން އޯޕަން އެތްލެޓިކްސް މުބާރާތުގެ 100 މީޓަރު ދުވުމުން އެއްވަނަ ރާއްޖޭގެ އެންމެ ބާރު ދުވުންތެރިޔާ އަދި އޭޝީއާގެ 4 ވަނައަށް އެންމެ ބާރު ދުވުންތެރިޔާ ހަސަން ސާއިދު ހޯދައިފިއެވެ.

މެލޭޝިއާގެ ކުއަލަލަމްޕޫރު ނޭޝަނަލް ސްޓޭޑިއަމްގައި ދުވެ ސާއިދު ރޭސް ނިންމީ 10.49 ސިކުންތުންނެވެ. ދެވަނައަށް ރޭސް ނިންމީ މެލޭޝިއާގެ މުހަންމަދު ހައިކަލްއެވެ. އޭނާ ރޭސް ނިންމީ 10.55 ސިކުންތުންނެވެ.  ތިންވަނައަށް ރޭސް ނިންމި މެލޭޝިއާގެ ބަދުރުލް ހިސާމް ރޭސް ނިންމީ 10.62 ސިކުންތުންނެވެ.

ސާއިދު 100 މީޓަރުގެ ފައިނަލަށް ދަތުރުކުރީ ސެމީގައި ވާދަކޮށް ހީޓުގެ އެއްވަނަ ހޯދައިގެންނެވެ. ސެމީގައި ދުވެ އޭނާ ރޭސް ނިންމީ 10.33 ސިކުންތުންނެވެ.

މި މުބާރާތުގެ 100 މީޓަރު ދުވުމުގެ އިތުރުން 200 މީޓަރު ދުވުމުގައިވެސް ސާއިދު ވާދަކުރަން ވަނީ ނިންމާފައެވެ. އެގޮތުން 200 މީޓަރުގެ އިވެންޓް އޮންނާނީ އަންގާރަ ދުވަހުއެވެ.

މި މުބާރާތުގައި މެލޭޝިއާގެ އިތުރުން 10 ގައުމަކުން ވާދަކުރާއިރެއެވެ. މި މުބާރާތުން ސާއިދް ހޯދި ރަންމެޑަލް އަކީ އޭނާ ސީނިއާ ލެވެލްގައި ހޯދި 3 ވަނަ ރަން މެޑަލްއެވެ.

އެންމެ ފަހުން އަޕްޑޭޓް ކުރީ: 4 ހަފްތާ ކުރިން
ރިވިއު ކުރީ: ހުސެން ފިޔާޒް
7%
73%
7%
7%
7%
0%
ކޮމެންޓް