ހުޅުމާލޭން ގޯތި ދިނުމަށް ބޭނުންވާ ބިމާއި، ދިޔަނެރު ފަޅު އަދި ތިލަފުށި ބޭނުންވާ ބިން ހިއްކުމަށް ކެޕިޓަލް މެރިން އެންޑް ސިވިލް ކޮންސްޓްރަކްޝަން ކޮމްޕަނީ ޕްރައިވެޓް ލިމިޓެޑް (ސީ.އެމް.ސީ) އާ ހަވާލުކޮށް މަސައްކަތް ފަށައިފިއެވެ.
އާރްބަންކޯއިން މައުލޫމާތު ދޭ ގޮތުގައި ސީ.އެމް.ސީ އާއި ހަވާލްކޮށްގެން ބިން ހިއްކުމުގެ މަސައްކަތްތައް މިހާރު ފެށިގެން ކުރިއަށް ދަނީއެވެ. އެގޮތުން ހުޅުމާލޭގެ ފޭސް 3، ދިޔަނެރު އަދި "ތިލަފުށި އޭރިއާ ޑީ" ގެ ބިން ހިއްކަން އެ ކުންފުންޏާ ވަނީ ހަވާލުކޮށްފައެވެ.
މި މަޝްރޫއުގެ ދަށުން ހުޅުމާލެ ފޭސް 3ން 62.6 ހެކްޓަރު، ދިޔަނެރުން 24.6 ހެކްޓަރ އަދި ތިލަފުށި އޭރިއާ ޑީ އިން 9.6 ހެކްޓަރ ހިއްކުމަށްވަނީ ހަމަޖެހިފައެވެ.
މި މަޝްރޫއުގެ ދަށުން ހިއްކާބިންތައް ގެދޮރުވެރިކަމުގެ ބޭނުންތަކާއި، އިންޑްސްޓްރިއަލް ބޭނުންތަކާއި، މެރީނާގެ ބޭނުންތައް ފުއްދުމަށް ވަރަށް ބޮޑު އެހީ އަކަށް ވެގެންދާނެކަމަށް އެ ކޯޕަރޭޝަނުން ޤަބޫލުކުރެއެވެ.
