އާދިއްތަ ދުވަހުން ފެށިގެން ކާޑު މެޝިނާއި ރޯލު ދޫކުރުމަށް ހަމަޖެހިފައިވަނީ މާލޭ ބިޒްނަސް ސެންޓަރުން: ބީއެމްއެލް
މި ބަދަލާއެކު އޯކިޑްމާގެ މެދުވެރިކޮށް މި ހިދުމަތްތައް ދިނުން ހުއްޓާލެވޭނެ
ލައިޝާ އަހްމަދު | 17 އޯގަސްޓު 2023 | ބުރާސްފަތި 08:18
ބީއެމްއެލް
އާދިއްތަ ދުވަހުން ފެށިގެން ކާޑު މެޝިނާއި ކާޑު މެޝިންގެ ރޯލު ދޫކުރުމަށް ހަމަޖެހިފައިވަނީ މާލޭ ބިޒްނަސް ސެންޓަރުންކަމަށް ބޭންކް އޮފް މޯލްޑިވްސްއިން ބުނެފިއެވެ.
ބީއެމްއެލްއިން ބުނީ، ވިޔަފާރިތަކަށް ދެމުންދާ ޚިދުމަތްތައް ވީހާވެސް ލުއި ފަސޭހަގޮތެއްގައި ހޯދައިދިނުމުގެ ގޮތުން 20 އޯގަސްޓް 2023 ވަނަ ދުވަހުން ފެށިގެން ކާޑު މެޝިނާއި ކާޑު މެޝިންގެ ރޯލު ދޫކުރުމަށް ހަމަޖެހިފައިވަނީ މާލޭ ބިޒްނަސް ސެންޓަރުން ކަމަށެވެ.
މި ބަދަލާއެކު އޯކިޑްމާގެ މެދުވެރިކޮށް މި ހިދުމަތްތައް ދިނުން ހުއްޓާލެވޭނެއެވެ.
މާލޭ ބިޒްނަސް ސެންޓަރުގެ އިތުރުން ހުޅުމާލެ އަދި ވިލިމާލެ ބްރާންޗް މެދުވެރިކޮށްވެސް ޕީއޯއެސް މެޝިންގެ ރޯލު ލިބޭނެކަމަށް ބީއެމްއެލްއިން މައުލޫމާތު ދެއެވެ.
