ބައިނަލްއަޤްވާމީ ޒުވާނުންގެ ދުވަސް ފާހަގަކުރުމަށް ޕެނަލް ޑިސްކަޝަނެއް ބާއްވައިފި
ޕެނަލް ޑިސްކަޝަންގައި ގިނަ ކަންތައްތަކާމެދު މަޝްވަރާކޮށްފައިވޭ
ޕެނަލް ޑިސްކަޝަންގެ ތެރެއިން
ބައިނަލްއަޤްވާމީ ޒުވާނުންގެ ދުވަސް ފާހަގަކުރުމުގެ ގޮތުން ޔުނިސެފް މޯލްޑިވްސް އިން ޕެނަލް ޑިސްކަޝަނެއް ބާއްވައިފިއެވެ.
ބުދަ ދުވަހުގެ ހަވީރު އިސްލާމިކް ސެންޓަރުގެ ހޯލުގައި ބޭއްވި ޕެނަލް ޑިސްކަޝަންގައި މިއަހަރުގެ ތީމް ކަމަށްވާ ޒުވާނުންގެ ފެހި ހުނަރުތައް ދެމެހެއްޓެނިވި މުސްތަގުބަލަކާ ދިމާލަށް، އާ އެއްގޮތަށް، ޒުވާނުން އިސްކޮށް ހުރެ ފެހި އިސްނެގުމާ ބެހޭ ގޮތުން މަޝްވަރާ ކުރެވުނެވެ.
ޕެނަލް ޑިސްކަޝަންގެ މުހިންމު ތިން މަޤްޞަދަކީ ގްރީން ޓްރާންސިޝަންގައި ޒުވާނުންގެ އިސްނެގުން ފާހަގަކޮށް، ޒުވާނުންނަށް ފެހި ހުނަރުގެ މުހިންމުކަން ދެނެގަތުމަށް ބޭނުންވާ ޢިލްމާއި މަޢުލޫމާތު ޒުވާނުންނަށް ފޯރުކޮށްދިނުން އެމީހުންގެ ކާމިޔާބީތަކާއި ގޮންޖެހުންތަކާއި ފުރުސަތުތަކާ މެދު ދެކޭގޮތް ހާމަކުރުން ހިމެނެއެވެ.
މި ހަރަކާތުގައި މިނިސްޓަރ އޮފް ހަޔަރ އެޑިއުކޭޝަން ޑރ އިބްރާހިމް ހަސަނާއި ސަބްރާ ނޫރުދީން ވަނީ ބައިވެރިވެވަޑައިގެންފައެވެ. އަދި ސަބްރާ ވަނީ ޔުނިސެފް ޔޫތު ރެފަރެންސް ގްރޫޕް (ވައިއާރްޖީ) ވެސް މި އިވެންޓުގައި ތައާރަފު ކުރައްވާފައެވެ.
ޔުނިސެފުން ވަނީ ހަޔަރ އެޑިއުކޭޝަން މިނިސްޓްރީއާ ގުޅިގެން 24 – 26 އޮގަސްޓް 2023 އަށް މާލޭގައި ފުރަތަމަ އިމަޖެން ވެންޗަރސް ބޫޓްކޭމްޕް ބޭއްވުމަށް ވެސް ނިންމާފައެވެ.
