ފޭކް ސްލިޕްތަކެއް ފޮނުވުމާއި އޮޅުވާލައިގެން ރާސްޓަސްކުރި މައްސަލައެއްގައި ބިދޭސީއަކު ހޯދަނީ
ބ. އޭދަފުށީ ޕޮލިސް ސްޓޭޝަނަށް 2023 އޮގަސްޓް 22 ވަނަ ދުވަހުގެ 10:00ށް ހާޒިރުވުމަށް ވަނީ އަންގާފައި
ފޭކް ސްލިޕްތަކެއް ފޮނުވުމާއި އޮޅުވާލައިގެން ރާސްޓަސްކުރި މައްސަލައެއްގައި ބިދޭސީއަކު ހޯދަނީ
ސައްހަނޫން އިންޓަރނެޓް ބޭންކިންގ ސްލިޕްތަކެއް ފޮނުވައި، މަކަރާއި ހީލަތުން އޮޅުވާލައިގެން ފިހާރައަކުން ރާސްޓަސްކޮށްފައިވާ މައްސަލައިގެ ތަހުގީގަށް މީހަކު ހާޒިރުކުރުމަށް މީހަކު ހޯދަން ފަށައިފިއެވެ.
ފުލުހުން ބުނީ މި މައްސަލައާ ގުޅިގެން ހޯދަމުން ދަނީ ބަންގްލަދޭޝްއަށް ނިސްބަތްވާ، އުމުރުން 35 އަހަރުގެ މުހައްމަދު އަރުޝަދު ކަމަށެވެ. އޭނާ ހޯދަމުން ދަނީ އުޅޭ ވަކިތަނެއް ނޭނގުމުގެ ސަބަބުން ތަހުގީގަށް ހާޒިރުވުމަށް ޗިޓު ރައްދުކުރެވިފައި ނުވާތީއެވެ. އަދި ޖިނާއީ މައްސަލަތައް ތަހުގީގުކުރުމުގައި ފުލުހުން އަމަލުކުރާނެ އިޖުރާއަތުގެ ގަވާއިދުގެ 27 ވަނަ މާއްދާގައި ވާގޮތުގެ މަތިން ތަހުގީގަށް ހާޒިރުވުމަށް ފުލުހުން ވަނީ އަންގައި އިއުލާންކޮށްފައެވެ.
ފުލުހުން ބުނީ އޭނާ ހޯދަމުންދަނީ ސައްހަނޫން އިންޓަރނެޓް ބޭންކިންގ ސްލިޕްތަކެއް ފޮނުވައި، މަކަރާއި ހީލަތުން އޮޅުވާލައިގެން ފިހާރައަކުން 17471 ރުފިޔާގެ ރާސްޓަސްކޮށްފައިވާ މައްސަލައިގެ ތަހުގީގަށް، ސުވާލުކުރުމަށް ކަމަށެވެ. އަދި އޭނާ ބ. އޭދަފުށީ ޕޮލިސް ސްޓޭޝަނަށް 2023 އޮގަސްޓް 22 ވަނަ ދުވަހުގެ 10:00ށް ހާޒިރުވުމަށް ވަނީ އަންގާފައެވެ.
