ހުޅުމާލެއިން ވަގަށްނަގާފައިވާ 449936 ރުފިޔާގެ ތަކެތި ފުލުހުން ހޯދައިފި
ހޯދާފައިވާ ތަކެތީގެ ތެރޭގައި؛ މޯބައިލް ފޯނާއި، ބައިސްކަލާއި، ސައިކަލުގެ އިތުރުން އެހެނިހެން ތަކެތި ހިމެނޭ
ޝަހީދު ހުސައިން އާދަމް ބިލްޑިންގ
ހުޅުމާލެއިން ވަގަށްނަގާފައިވާ 449936 ރުފިޔާގެ ތަކެތި ފުލުހުން ޚިދުމަތުން ހޯދައިފިއެވެ.
ފުލުހުން ބުނީ ހުޅުމާލެއިން ވަގަށްނަގާފައިވާ 449936 ރުފިޔާގެ ތަކެތި ހޯދާފައިވާ ކަމަށެވެ. އޭގެ ތެރޭގައި 368000 ރުފިޔާގެ ސައިކަލު، 72800 ރުފިޔާގެ މޯބައިލް ފޯނު، އަދި 9136 ރުފިޔާގެ އެހެނިހެން ތަކެތި ހޯދާފައިވާ ކަމަށެވެ.
ފުލުހުން ބުނީ، ހުޅުމާލެ ފޭސް 1 ޕޮލިސް ސްޓޭޝަނަށް ހުށަހަޅާފައިވާ ވައްކަމުގެ މައްސަލަތަކުގައި ހިމެނޭ ބައެއް ތަކެތި ހޯދައި، އެތަކެތީގެ ވެރިފަރާތްތަކާ ހަވާލުކޮށްފައިވާ ކަމަށެވެ.
ހުޅުމާލެ ފޭސް 1 ޕޮލިސް ސްޓޭޝަނުން ކުރިއަށް ގެންދިޔަ އޮޕަރޭޝަންތަކުގައި ހޯދާފައިވަނީ، މިދިޔަ ޖުލައި މަހު އެ ސްޓޭޝަނަށް ހުށަހަޅާފައިވާ ވައްކަމުގެ މައްސަލަތަކުގައި ހިމެނޭ ތަކެތި ކަމަށް ފުލުހުން ބުނެއެވެ.
އެގޮތުން ހޯދާފައިވާ ތަކެތީގެ ތެރޭގައި މޯބައިލް ފޯނާއި، ބައިސްކަލާއި ސައިކަލުގެ އިތުރުން އެހެނިހެން ތަކެތި ހިމެނެއެވެ.
