ކްލަބް މޯލްޑިވްސް ކްލެސިކްގެ ދެވަނަ ބުރުގައި ވާދަކުރާ ޓީމްތައް ކަށަވަރުވެއްޖެއެވެ.
ބުރާސްފަތި ދުވަހުގެރޭ ނިމުނު ގްރޫޕް ސްޓޭޖްގެ މެޗުތަކަށްފަހު ގްރޫޕް ގްރޫޕް އީގެ އެއްވަނަ ހޯދީ ޓީމް ޚާރިޖީއެވެ. އެއީ ތިން މެޗުން ހަތް ޕޮއިންޓް ހޯދައިގެންނެވެ. މިގްރޫޕުން ދެވަނަ ޓީމްގެ ގޮތުގައި ދެވަނަ ބުރަށް ދަތުރުކުރި އޮޑިތަރ ޖެނެރަލް އޮފީހުގެ ރެކްރިއޭޝަން ކްލަބްވެސް ހަތް ޕޮއިންޓް ހޯދިއެވެ. ގްރޫޕް އެފް އިން އެއްވަނަ ޓީމްގެ ގޮތުގައި ދެވަނަ ބުރަށް ދަތުރުކުރީ އެމްއެމްއޭ ސޯޝަލް ކްލަބެވެ. އެއީ ތިން މެޗުން ވެސް މޮޅުވެ ނުވަ ޕޮއިންޓް ހޯދައިގެންނެވެ. މިގްރޫޕުން ދެވަނަ ހޯދީ ހަ ޕޮއިންޓާއެކު މީރާ ރެކްރިއޭޝަން ކްލަބެވެ.
ތިންވަނައަށް ދިޔަ ޓީމްތަކުގެ ތެރެއިން އެންމެ ރަނގަޅު ނަތީޖާ ހޯދައިގެން ގަދަ ސޯޅައިން ޖާގަހޯދީ ހޯމްއެފެއަރޒް ރެކްރިއޭޝަން ކްލަބާއި, އުމްރާނީ ކްލަބާއި, ޓްރޭޑް ކްލަބާއި. ޓީމް ބަދަހިއެވެ. ދެވަނަ ބުރުގައި ޓީމް ޑީޖޭއޭ ވާދަކުރާނީ ޓްރޭޑް ކްލަބާއެވެ. އެމްއެމްއޭ ސޯޝަލް ކްލަބް ވާދަކުރާނީ ޓީމް ބަދަހިއާއެވެ. އޭޖީ އޮފީސް ވާދަކުރާނީ ޓީއާރުސީ ޓްރާންސްޕޯޓާއެވެ. އެޗްޕީއެސްއެން ވާދަކުރާނީ އޭސީސީއާއެވެ. ޓީމް ޕެމާ ވާދަކުރާނީ ހޯމްއެފެއަރޒް ރެކްރިއޭޝަން ކްލަބާއެވެ. ކްލަބް 220 ވާދަކުރާނީ އުމްރާނީ ކްލަބާއެވެ. މީރާ ވާދަކުރާނީ ރައީސް އޮފީހާއެވެ. ޚާރިޖީ ވާދަކުރާނީ ހުޅުމާލެ ހޮސްޕިޓަލާއެވެ.
ދެވަނަ ބުރުގެ މެޗުތައް ކުޅޭނީ އޮގަސްޓް ހައެއް އަދި ހަތެއްގައެވެ.
