ޖެސޫސްގެ ކަކޫ ހަލާކުވެއްޖެ، މިއީ ކުރީގެ އަނިޔާގެ ކަމެއް: ކޯޗު
މިއީ ވަރަށް ބޮޑު ގެއްލުމެއް، އެކަމަކު ފުރަތަމަ ބަލާނީ ކުޅުންތެރިޔާގެ ސިއްހަތަށް: އާޓެޓާ
ގަބްރިއަލް ޖެސޫސް: އޭނާގެ ކަކުލަށް ވަނީ އަނިޔާވެފައި
އާސެނަލްގެ ފޯވަޑް ގަބްރިއަލް ޖެސޫސްގެ ކަކުލަށް އަނިޔާވެ ދުވަސްކޮޅަކަށް އަނެއްކާ ވެސް ކުޅުމާ ދުރުގައި ހުންނަން ޖެހިއްޖެ އެވެ.
ކޯޗު މިކޭލް އާޓެޓާ ބުނީ ޖެސޫސްއަށް މި ފަހަރު އަނިޔާވީ އަލުން ފޯމަކަށް އެޅުނު ވަގުތު ކަމަށާއި މިފަހަރުގެ އަނިޔާއަކީ ކުރީގެ އަނިޔާއާ ގުޅުންހުރި ކަމެއް ކަމަށެވެ.
މިދިޔަ ސީޒަނުގައި ވެސް ކަކުލަށް އަނިޔާވެ ގިނަ މެޗުތަކެއް ގެއްލުނު ފޯވަޑުގެ މި ފަހަރުގެ އަނިޔާ އެހާ ސީރިއަސް ނޫން ކަމަށް ވެސް ކޯޗު ބުންޏެވެ. ނަމަވެސް ސީޒަން ހުޅުވަން އަންނަ އާދީއްތަ ދުވަހު މެންޗެސްޓާ ސިޓީއާ ދެކޮޅަށް ކުޅޭ ޗެރިޓީ ޝީލްޑް މެޗާއި ސީޒަނުގެ ފުރަތަމަ ކޮޅުގެ ބައެއް މެޗުތައް ޖެސޫސް އަށް ގެއްލޭނެ އެވެ.
އާސެނަލްގެ އަމާޒަކީ މިދިޔަ ސީޒަނުގެ ބޮޑުބައެއް ޑޮމިނޭޓްކޮށް ތަށި ހޯދުމާއި ވަރަށް ގާތަށް ދިޔަފަހުން ޗެމްޕިއަންކަން ގެއްލުމުން މި ފަހަރު އަލުން ތަށި ހޯދުމަށް ވަރުގަދަ އަށް ސީޒަން ފެށުމެވެ.
