ބާރަށު ފުޓްސަލް ދަނޑު ރައީސުލްޖުމްހޫރިއްޔާ ހުޅުއްވައިދެއްވައިފި
މި ދަނޑު ރަސްމީކޮށް ހުޅުވައިދެއްވީ މިހާރު އެމަނިކުފާނު ބޮޑުތިލަދުންމައްޗަށް ކުރައްވަމުން ގެންދަވާ ދަތުރުފުޅުގައި ބުދަ ދުވަހު
ރައީސް ޞާލިޙު ބާރަށު ފުޓްސަލް ދަނޑު ހުޅުއްވައި ދެއްވަނީ
ސަރުކާރުން ހއ.ބާރަށުގައި ޤާއިމުކޮށްފައިވާ ފުޓްސަލް ދަނޑު ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙު ހުޅުއްވައިދެއްވައިފި އެވެ.
ރައީސް ޞާލިޙު މި ދަނޑު ރަސްމީކޮށް ހުޅުއްވައިދެއްވީ މިހާރު އެމަނިކުފާނު ބޮޑުތިލަދުންމައްޗަށް ކުރައްވަމުން ގެންދަވާ ދަތުރުފުޅުގައި ބުދަ ދުވަހު ބާރަށަށް ވަޑައިގެންނެވެ. ރައީސް ޞާލިޙުގެ އަރިހުގައި ޔޫތު މިނިސްޓަރު އަޙުމަދު މަޚްލޫފް އިތުރުން ސަރުކާރުގެ އިސްވެރިން ވަނީ ބައިވެރިވެވަޑައިގެންފަ އެވެ. ރައީސް ޞާލިޙުގެ މި ދަތުރުފުޅުގައި ގެންދަވަނީ ބޮޑުތިލަދުންމަތޫގެ ރަށްރަށުގައި ސަރުކާރުން ނިންމާފައިވާ މަސައްކަތްތައް ރަސްމީކޮށް ހުޅުއްވައިދެެއްވަމުންނެވެ.
ކުޅިވަރު ކުރިއެރުވުމުގެ ސިޔާސަތުގެ ތެރެއިން ރަށްރަށުގައި ޒުވާނުންނަށް ބޭނުންވާ ފުޓްސަލް ދަނޑުގެ އިތުރުން ބޮޑު ފުޓުބޯޅަ ދަނޑު ޤާއިމުކުރުމަށް ސަރުކާރުން އަންނަނީ ޚާއްސަ ސަމާލުކަމެއް ދީގެންނެވެ.
