މޮރޮކޯގައި ބޯޓެއް އަޑިއަށް ދިއުމުގެ ސަބަބުން 6 މީހުން މަރުވެއްޖެ

މޮރޮކޯގައި ބޯޓެއް އަޑިއަށް ދިއުމުގެ ސަބަބުން 6 މީހުން މަރުވެފައިވާ ކަމަށް މީޑިއާތަކުން ރިޕޯޓްކޮށްފިއެވެ.

މިއީ ގަވާއިދާ ޚިލާފަށް ހިޖުރަކުރާ މީހުންނާއެކު ދަތުރުކުރަމުން ދިޔަ ބޯޓެކެވެ.

މި ބޯޓުގައި ދަތުރުކޮށްފައިވަނީ ޤަވާއިދާ ޚިލާފަށް ހިޖުރަކު

ރިޕޯޓްތައް ބުނާ ގޮތުން އެ ބޯޓު ފަރަށް އަރާ އަޑިއަށް ދިއުމުގެ ސަބަބުން 6 މީހުން ގެނބިގެން މަރުވެ، ކަނޑުވި 48 މީހުން ސަލާމަތްވެފައިވާ ކަމަށް ވެސް މީޑިއާތަކުން ވަނީ ރިޕޯޓްކޮށްފައެވެ.

މެޕް ސްޓޭޓް ނިއުސް އެޖެންސީ އާއި ހަވާލާދީ ރޮއިޓަރސް އިން ރިޕޯޓްކޮށްފައިވާ ގޮތުން ކަމާއި ބެހޭ ފަރާތްތަކުން ވަނީ މި ހާދިސާ އާއި ގުޅިގެން ގެއްލިފައިވާ މީހުން ހޯދުމަށް ޚާއްސަ އޮޕަރޭޝަނެއް ފަށާފައެވެ.

އެހެންނަމަވެސް މޫސުން ގޯސްވެ، ކަނޑު ގަދަވުމުގެ ސަބަބުން އެ މަސައްކަތަށް ވަނީ ހުރަސް އެޅިފައެވެ.

މި ހާދިސާ ހިނގަން މެދުވެރިވީ ވެސް މޫސުން ގޯސްވުމުގެ ސަބަބުން ބޯޓު ކޮންޓްރޯލް ނުކުރެވި ބޯޓު ފަރަށް އެރުމުގެ ސަބަބުން ކަމަށް މީޑިއާތަކުން ބުނެއެވެ.

މިދިޔަ އަހަރުގެ ޖޫން މަހު މޮރޮކޯގެ ފޮރިން މިނިސްޓްރީން ބުނީ އެ ގައުމުގެ އިދާރާތަކުން 25000 އަށް ވުރެ ގިނަ މީހުން ގަވާއިދާއި ޚިލާފަށް ހިޖުރަކުރުން ހުއްޓުވާފައިވާ ކަމަށެވެ. އަދި އެ ގައުމުގައި މިއަހަރުގެ ފުރަތަމަ 5 މަސް ދުވަހު، 3150 މީހުން ގެނބުމުން ސަލާމަތްކޮށްފައިވާ ކަމަށް ވަނީ ބުނެފައެވެ.