ހައްލު ނުކުރެވި ޒަމާން ވެފައިވާ ހއ. ވަށަފަރުގެ ސިޓީ ހޮޓަލުގެ މައްސަލަ ހައްލުކުރުމަށް މަސައްކަތް ކުރައްވާނެ ކަމަށް ރައީސް ވައުދުވެވަޑައިގެންފި އިފި
21 ޖުލައި 2023 | ހުކުރު 12:48ޖުމްލަ 102 ކޮޓަރި ހިމެނޭ އެ ހޮޓަލްގެ މަސައްކަތްތަކުގެ ތެރެއިން ނިންމާފައި ވަނީ 24 ކޮޓަރި އެކަނި
ރައީސް ހއ.ވަށަފަރުގައި ދެއްކެވި ވާހަކަ
ހައްލު ނުކުރެވި ޒަމާން ވެފައިވާ ހއ. ވަށަފަރުގެ ސިޓީ ހޮޓަލުގެ މައްސަލަ ހައްލުކުރުމަށް މަސައްކަތް ކުރައްވާނެ ކަމަށް ރައީސް ވައުދުވެވަޑައިގެންފިއެވެ.
ބުރާސްފަތި ދުވަހު ވަށަފަރުގެ ބަނދަރު ބައްދަލުވުމުގައި ރައީސް ވަނީ އެ މައްސަލަ އަކީ އެ ރަށުގެ އާއްމުންގެ ކަންބޮޑުވުން ހުރި މައްސަލައެއްކަން އެނގިވަޑައިގަންނަވާ ކަމަށް ވިދާޅުވެފައެވެ. އަދި އެ ރަށުގެ ސިޓީ ހޮޓާ އަޅަން ނިންމި ބިމުގެ މައްސަލަ ކޯޓަށް ހުށަހެޅުމުން އެ މައްސަލައިގައި ކޯޓުން ގޮތެއް ކަނޑައަޅާފައިވާ ކަމަށް ވިދާޅުވިއެވެ. އެހެންކަމުން ސަރުކާރަށް އެ މައްސަލައިގައި ކޮށްދެވެން ހުރި ކަންތައްތައް ކޮށްދެއްވާނެ ކަމަށް ރައީސް ވިދާޅުވިއެވެ. ރަައީސް އިތުރަށް ވިދާޅުވީ ރައްޔިތުންގެ ކަންބޮޑުވުންތަކާއި އެކީގައި ޒަމާންތަކެއް ވަންދެން ސިޓީ ހޮޓަލަށް އަމަލީ ސިފައެއް ނައުމަކީ ކަންބޮޑުވާން ޖެހޭ ކަމެއް ކަމަށެވެ.
300،000 އަކަފޫޓުގެ ސަރަހައްދެއްގައި ސިޓީ ހޮޓާ ޤާއިމް ކުރުމަށް ހަވާލުކޮށްފައި ވަނީ ވަށަފަރުގެ އުތުރު ފަރާތުންނެވެ. އެ ތަން ސިޓީ ހޮޓަލެއްގެ ގޮތުގައި ހަދަން ހަވާލުކުރީ 2013 ވަނަ އަހަރު ކަމަށް ވާއިރު އެ މަސައްކަތް ނުނިމި ވަނީ ދިގުލައިގެން ގޮސްފައެވެ. ޖުމްލަ 102 ކޮޓަރި ހިމެނޭ އެ ހޮޓަލްގެ މަސައްކަތްތަކުގެ ތެރެއިން ނިންމާފައި ވަނީ 24 ކޮޓަރި އެކަންޏެވެ.
އެ ޖަލްސާގައި ވާހަކަދައްކަވަމުން ހއ. ވަށަފަރަކީ ލޯކަލް ޓުއަރިޒަމަށް ފައްކާކުރަން އެންމެ ރަނގަޅު އެއް ރަށް ކަމަށް ރައީސް ވިދާޅުވިއެވެ. އެކަން ކުރުމަށްޓަކައި އެ ރަށުގެ އަސާސީ ޚިދުމަތް ފުރިހަމައަށް ފޯރުކޮށްދިނުން މުހިންމު ކަމަށް ރައީސް ވިދާޅުވިއެވެ.
