ރާއްޖެ
ކުޑަކުއްޖަކު ގެނބިގެން މަރުވުން
ކޮޅުފުށީ މޫދުގައި ކުޑަކުއްޖަކު މަރުވެފައި އޮއްވާ ފެނިއްޖެ
މަރުވެފައިވަނީ އެއް އަހަރުގެ ފިރިހެން ކުއްޖެއް
އިދުހާމް ނަޢީމް, ރާއްޖެ އެމްވީ | 16 ޖުލައި 2023 | އާދީއްތަ 08:11
މ.ކޮޅުފުށި
މ. ކޮޅުފުށީ މޫދުގައި ކުޑަކުއްޖަކު މަރުވެފައި އޮއްވާ ފެނިއްޖެއެވެ.
ފުލުހުން މައުލޫމާތު ދޭ ގޮތުގައި މަރުވެފައިވަނީ އެއް އަހަރުގެ ފިރިހެން ކުއްޖެކެވެ. އެ ކުއްޖާ ސިއްހީ މަރުކަޒަށް ގެންދިޔައިރުވެސް މަރުވެފައިވާ ކަމަށާއި އެ މައްސަލައިގެ ރިޕޯޓު ލިބިފައިވަނީ މިއަދު ހެނދުނު 11:38 ހާއިރު ކަމަށް ވެސް އެ އިދާރާއިން ބުނެއެވެ.
އެ ކުއްޖާ މަރުވެފައި އޮއްވާ ފެނުނީ ގެއްލިގެން ހޯދަމުންދަނިކޮށް ކަމަށް ވެސް ފުލުހުން ބުނެއެވެ.
މި ހާދިސާއާ ގުޅިގެން ބަލަން ޖެހޭ ކަންކަން ފުލުހުން މިހާރު ދަނީ ބަލަމުންނެވެ.
