'ފިލްމު އެވޯޑްސް" ގައި ފިލްމު ބައިވެރިކުރުމުގެ މުއްދަތު އިތުރުކޮށްފި
ފިލްމު ބައިވެރިކުރުމުގެ އެންމެ ފަހު ތާރީޚަކީ 20 ޖުލައި 2023 ވާ ބުރާސްފަތި ދުވަސް
ލައިޝާ އަހްމަދު | 15 ޖުލައި 2023 | ހޮނިހިރު 09:39
އޮލިމްޕަސް ތިއޭޓަރު
"ދިވެހި ފިލްމު އެވޯޑްސް 10" (2019 - 2022) ގައި ފިލްމު ބައިވެރިކުރުމުގެ މުއްދަތު އިތުރުކޮށްފިއެވެ.
ކުރިން އިއުލާނު ކޮށްފައިވާ ގޮތުގައި ދިވެހި ފިލްމު އެވޯޑްސް 10 ގައި ފިލްމު ބައިވެރިކުރުމުގެ އެންމެ ފަހު ތާރީޚަކީ 16 ޖުލައި 2023 އެވެ. ނަމަވެސް ގިނަ ފަރާތްތަކެއްގެ އެދުމުގެމަތިން ފިލްމު ބައިވެރިކުރުމުގެ މުއްދަތު އިތުރު ކުރުމަށް ނިންމާފައިވާކަމަށް ނޭޝަނަލް ސެންޓަރ ފޮރ ދި އާޓްސް އިން ބުނެފައިވެއެވެ.
އެހެންކަމުން މިހާރު ދިވެހި ފިލްމު އެވޯޑްސް ގައި ފިލްމު ބައިވެރިކުރުމުގެ އެންމެ ފަހު ތާރީޚަކީ 20 ޖުލައި 2023 ވާ ބުރާސްފަތި ދުވަހުގެ މެންދުރުފަހު 13:30 ކަމަށް ނޭޝަނަލް ސެންޓަރ ފޮރ ދި އާޓްސް އިން ބުނެއެވެ.
