އޮސްޓްރޭލިޔާ އާއި ނިއުޒީލޭންޑްގައި އަންނަ ހަފުތާގައި ފަށާ އަންހެނުންގެ ވޯލްޑްކަޕް ފުޓްބޯޅަ މުބާރާތުގައި ނިއުޒީލޭންޑްގައި ހިލޭ ޓިކެޓް ބަހަން ފީފާއިން ނިންމައިފި އެވެ.
ދުނިޔޭގެ ފުޓްބޯޅަ ޖަމިއްޔާއިން މިހާރު ނިންމާފައިވަނީ ނިއުޒީލޭންޑްގައި 20000 ޓިކެޓް ހިލޭ ބެހުމަށެވެ. އަދި ބައެއް ސްޕޮންސަރުން ދަނީ 5000 ޓިކެޓް ބެހުމަށް ތައްޔާރުވަމުންނެވެ.
ޓިކެޓް ހިލޭ ދޫކޮށްލާ މައިގަނޑު ސަބަބަކީ ނިއުޒީލޭންޑްގައި ފުޓްބޯލައިގެ މަގުބޫލުކަން ކުޑަވުމެވެ. މިހެންވެ ފީފާއިން ދަނީ ނިއުޒީލޭންޑްގެ ސިޔާސީ ފަރާތްތަކާއި ފުޓްބޯޅަ ކުލަބުތަކާ ކުޅިގެން ވޯލްޑްކަޕުގެ މެޗުތައް ޕްރޮމޯޓް ކުރަމުންނެވެ.
ފީފާގެ ޗީފް ވުމަން ފުޓްބޯލަ އޮފިސަރު ސަރާއީ ބެރަމަން ބުނީ ނިއުޒީލޭންޑްގައި ވޯލްޑްކަޕް ފޯރި ހިއްޕާލުން ވަރަށް ދަތި ކަމަށެވެ. ނިއުޒީލޭންޑުން ފަސް ފަހަރު ވޯލްޑްކަޕުގައި ކުޅެފައިވާއިރު އަދި މެޗެއް ކާމިޔާބުކުރެވިފައިވެސް ނުވެ އެވެ.
