އެހެން މީހެއްގެ ކާޑަކުން ވަގަށް ވިޔަފާރިކުރި މީހަކު ހޯދަނީ
2 ޖުލައި 2023 | އާދީއްތަ 10:31ވެރިފަރާތަށް ނޭނގި 10،000 ރުފިޔާގެ ވިޔަފާރިކޮށްފައިވޭ
ތޯހިރާ އަޒްހާރް | 2 ޖުލައި 2023 | އާދީއްތަ 10:31
މީހެއްގެ ކާޑަކުން ވަގަށް ވިޔަފާރިކުރި މީހާ
އެހެން މީހެއްގެ އެކައުންޓުން، އެ މީހާއަށް ނޭނގި ވިޔަފާރިކުރި މީހަކު ހޯދަން ފަށައިފިއެވެ.
އެމީހާގެ ފޮޓޯ އާންމުކޮށް ފުލުހުން ބުނެފައިވަނީ، އެމީހާ ވަނީ އެކައުންޓުގެ ވެރިފަރާތަށް ނޭނގި 10،500 ރުފިޔާގެ މުއާމަލާތެއް ކޮށްފައި ކަމަށެވެ.
މި މައްސަލައާ ގުޅިގެން ތަހުގީގުގައި ސުވާލު ކުރަން ބޭނުންވާތީ އެމީހާ ހޯދަން ވަނީ އިއުލާނުކޮށްފައެވެ. އަދި އެއީ ކާކުކަން ދެނެގަނެވިފައި ނުވާކަމަށްވެސް ފުލުހުން ވަނީ ބުނެފައެވެ.
އެހެންކަމުން ފޮޓޯއިން ފެންނަ މީހާއާ ބެހޭ އެއްވެސް މައުލޫމާތެއް ލިބިފައިވާ ފަރާތެއް ވާނަމަ، ފުލުހުންގެ ހޮޓްލައިން ނަންބަރު 3322111 ނުވަތަ މާފަންނު ޕޮލިސް ސްޓޭޝަން ނަންބަރު 9660183 އަށް ގުޅައި ހިއްސާކުރުމަށް ފުލުހުން ވަނީ އެދިފައެވެ.
