ރާއްޖެ ކަޓައިފިތަ؟ ސެމީގެ ފުރުސަތު އޮތީ ކިހާވަރަކަށް؟
ރާއްޖެއަށް ލެބަނަން ބަލިކުރަން ޖެހޭނީ ތިން ލަނޑުގެ ތަފާތަކުން
ބޫޓާނާއި ރާއްޖެ ކުޅުނު މެޗުގެ ތެރެއިން
ސާފް ޗެމްޕިއަންޝިޕް ފުޓްބޯޅަ މުބާރާތުގައި ލެބަނަންއާއި ރާއްޖެ އަދި ބަނގްލަދޭޝްއާއި ބޫޓާން ހިމެނޭ ގްރޫޕުގައި ބާކީ އޮތީ މާދަމާ ކުޅެންޖެހޭ ފަހު ދެ މެޗެވެ. ރާއްޖެ ނުކުންނާނީ ލެބަނަންއާ ދޮޅަށެވެ. ބޫޓާން ކުޅޭނީ ބަނގްލަދޭޝްއާއެވެ. މި ދެ މެޗަށް މި ހަތަރު ޓީމު ނުކުންނައިރު ހަތަރު ގައުމަށްވެސް ސެމީގެ ފުރުސަތު އެބައޮތެވެ.
ބޫޓާން ބަލިކޮށް، ބަނގްލަދޭޝް އަތުން 20 އަހަރުތެރޭގައި ފުރަތަމަ ފަހަރަށް ބަލިވިނަމަވެސް ރާއްޖެ އަދި މުބާރާތަކުން ނުކަޓައެވެ. މިއަދުގެ މެޗުގައި ލެބަނަން އަތުން ތިން ލަނޑުން މޮޅުވެގެން ރާއްޖެއަށް ސެމީއަށް ދެވިދާނެއެވެ. ސަބަބަކީ ދެ މެޗު ކުޅެގެން ލެބަނަންއަށް ލިބިފައިވަނީ 6 ޕޮއިންޓާއި ފައިދާ ފަސް ގޯލު ކަމަށްވާތީއެވެ. ރާއްޖެއަށް ލިބިފައިވަނީ ދެ މެޗުން ތިން ޕޮއިންޓެވެ. ފައިދާ ގޯލެއް ނެތެވެ.
ދެވަނަ ގޮތަކީ މި މެޗު އެއްވަރުވެފައި ބޫޓާނާއި ބަނގްލަދޭޝް ކުޅޭ މެޗުން ބަނގަލްދޭޝް ބަލިވުން، ނުބަތަ ބޫޓާން މޮޅުވުމެވެ. އެކަމަކު ތިން ލަނޑުގެ ތަފާތެއް ނުލިބި ބަނގްލަދޭޝް ބޫޓާން އަތުން ޕޮއިންޓެއް ހޯދި ނަމަވެސް ރާއްޖެ ކަޓާނެއެވެ.
ސާފް ޗެމްޕިއަންޝިޕް ފުޓްބޯޅަ މުބާރާތުގައި ކުޅެން ފެށީއްސުރެ ރާއްޖެ މިހާތަނަށް ގްރޫޕް ސްޓޭޖުން ކަޓާފައެއްނުވެއެވެ. އެކަމަކު މިފަހަރަކީ ސެމީއަށް ދިއުމަށްވުރެ ރާއްޖެ ކެޓުން ގާތް ފަހަރެއް ކަމަށް ބެލެވެއެވެ. ސަބަބަކީ ފަހު މެޗުގައި ނުކުންނަން ޖެހެނީ މި ގްރޫޕުގައި އޮތް އެންމެ ވަރުގަދަ ޓީމާ ދެކޮޅަށް ކަމަށް ވާތީއާއި ބަނގްލަދޭޝް އަތުން ރާއްޖެ ބަލިކޮށް، އަމިއްލަ ބާރު ހޯދާފައިވުމެވެ.
