ގެދޮރުވެރިޔާ ޕޯޓަލް މެދުވެރިކޮށް ޖޮއިންޓް ރިކުއެސްޓް ފޮނުވާނީ ކިހިނެއް؟
މާލޭގެ ރައްޔިތުންނަށް އިންވަކިކޮށް، ރޯނު ދަމާ، ބިންކަނޑާ ގޯތީގެ ފަތް ދެއްވާނެ ކަމަށް ރައީސް ވަނީ ވިދާޅުވެފައި
ބިންވެރިޔާ ސްކީމުގެ ތެރެއިން ގޯތި ލިބުނު މީހުންގެ ނަންތައް އިއުލާން ކޮށްފައިވަނީ 26 ޖޫން 2023 ގައި
މާލެއަށް ދިމާވެފައިވާ ބޯހިޔާވަހިކަމުގެ މައްސަލައަށް ހައްލު ހޯދުމަށް ސަރުކާރުން ކުރިއަށްގެންދާ ގެދޮރުވެރިން ޕްރޮގްރާމުގެ ތެރެއިން ހިންގާ ބިންވެރިޔާ ސްކީމުގެ ތެރެއިން ގޯތި ލިބުނު މީހުންގެ ނަންތައް އިއުލާން ކޮށްފައިވަނީ 26 ޖޫން 2023 ގައެވެ.
މާލޭ މީހުންނަށް ގޯތި ދިނުމަށް ނިންމައި އެކަން ރައީސް އިބްރާހިމް މުޙައްމަދު ސާލިޙް އިއުލާން ކުރައްވާފައިވަނީ 3 ފެބްރުއަރީ 2022 ގައި އެމަނިކުފާނު ދެއްވި ރިޔާސީ ބަޔާނުގަ އެވެ.
ބިންވެރިޔާ ޕްރޮގްރާމުގެ މިފަހަރު ޖުމްލަ 5000 ގޯތި ދޫކުރާނެއެވެ. އެއީ ހުޅުމާލެއިން 1000 ގޯއްޗާއި ގުޅީފަޅުން 2000 ގޯތި އަދި ގިރާވަރުފަޅު ހިއްކައިގެން 2000 ގޯއްޗެވެ.
ހޯމަ ދުވަހު ގޯތި ލިބޭ މީހުންގެ ވަގުތީ ލިސްޓް އާންމުކޮށްފައިވާއިރު، ތިރީގައި މިވަނީ ގެދޮރުވެރިޔާ ޕޯޓަލް މެދުވެރިކޮށް ޖޮއިންޓް ރިކުއެސްޓް ފޮނުވާނެ ގޮތެވެ.
މި މަރުހަލާގައި ޖޮއިންޓް އެޕްލިކަންޓުންގެ ގޮތުގައި ބައިވެރި ކުރެވޭނީ، ވަގުތީލިސްޓްގައި "ޝަރުތުހަމަވޭ، ޖޮއިންޓްވެގެން ގޯތި ލިބުމުގެ ފުރުސަތު އޮތް" ސްޓޭޓަސްގައި އޮތް، ބިންވެރިޔާ އުސޫލުގައި ބުނާފަދަ ގުޅުމެއް އޮންނަ ފަރާތްތަކަށް އެކަންޏެވެ.
ބިންވެރިޔާ އުސޫލުގައި ބުނާފަދަ ޖޮއިންޓްވުމުގެ ޝަރުތުހަމަވާ ފަރާތެއް ވަގުތީ ލިސްޓްގެ "ޝަރުތުހަމަވޭ، ޖޮއިންޓްވެގެން ގޯތި ލިބުމުގެ ފުރުސަތު އޮތް" ސްޓޭޓަސްގައި ނެތްނަމަ އިތުރުފަރާތަކާ ޖޮއިންޓްވާކަށް ނުޖެހޭނެއެވެ. އެފަދަ ފަރާތްތައް އިތުރު އެއްވެސް ކަމެއް ކުރާކަށް ނުޖެހޭނެއެވެ. އެފަރާތްތަކަކީވެސް ފަހުން ތަރުތީބުކުރެވޭ ގޯތިލިބޭ ލިސްޓްގައި ހިމެނޭނެ ފަރާތްތަކެވެ.
މާލެ ރައްޔިތުންނަށް ދިމާވެފައިވާ ބޯހިޔާވަހިކަމުގެ މައްސަލަ އަށް ހައްލެއް ހޯދައި ދިނުމަށް ރައީސް ސާލިޙް ވެވަޑައިގެންނެވި ވައުދާ އެއްގޮތަށް ގޯތި ދޫކުރުމަށް ހޯމަ ދުވަހު އިއުލާން ކުރެއްވުމާއެކު، ގިނަބަޔަކަށް ދިމާވެފައިވާ ދިރިއުޅުމުގެ ހާލަތަށް ރަނގަޅު ހެޔޮބަދަލެއް އަންނާނެއެވެ. އެމަނިކުފާނުގެ ރިޔާސީ ބަޔާނުގައި ވިދާޅުވެފައިވަނީ، ރިޔާސީ މި ދައުރު އެމަނިކުފާނު ނިންމަވާނީ އެންމެ ބޭނުން ޖެހިފައިވާ މާލޭގެ ރައްޔިތުންނަށް އިންވަކިކޮށް، ރޯނު ދަމާ، ބިންކަނޑާ ގޯތީގެ ފަތް ދިނުމަށްފަހު ކަމަށެވެ.
