އޮމާން އެއަރގެ ދަތުރުތައް ރާއްޖެއަށް ފަށައިފި
ހަފްތާއަކު 4 ދަތުރު ބާއްވާނެ
އޮމާން އެއަރގެ ދަތުރުތައް ފެށުން
އޮމާންގެ ގައުމީ އެއަރލައިން، އޮމާން އެއަރގެ ދަތުރުތައް ރާއްޖެއަށް ފަށައިފިއެވެ.
އޮމާން އެއަރގެ ދަތުރުތައް ރާއްްޖެއަށް އަލުން ފަށާފައިވަނީ މިއަހަރުގެ ހޫނު މޫސުމާ ދިމާކޮށެވެ.
މިމަހުގެ 24 ވަނަ ދުވަހު އޮމާން އެއަރގެ ދަތުރުތައް ފަށާފައިވާއިރު، ހަފްތާއަކު 4 ދަތުރު ބޭއްވުމަށް އެ އެއަރލައިނުން ވަނީ ނިންމާފައެވެ.
އޮމާން އެއަރއިން ދަނީ އަލުން އެ އެއަރލައިންގެ ދަތުރުތައް ރާއްޖެއަށް ފެށުމަށް ޚާއްސަ އަގެއްގައި ޓިކެޓު ވިއްކަމުންނެވެ. މިގޮތުން ޓިކެޓެއްގެ އަގަކީ 385 ޑޮލަރެވެ.
އޮމާން އެއަރއިން ވަނީ މިއަހަރުގެ ހޫނު މުސުމާ ދިމާކޮށް އެކި މަންޒިލްތަކަށް ބާއްވާ ފްލައިޓުތައް ވެސް އިތުރުކޮށްފައެވެ. މީގެ ތެރޭގައި މޮސްކޯ، ބެންކޮކް، އިސްތަންބުލް، ކުއާލާ ލަމްޕޫރުފަދަ މަންޒިލްތައް ހިމެނެއެވެ.
އޮމާން އެއަރގެ ދަތުރުތައް ރާއްޖެއަށް އެންމެ ފުރަތަމަ ފެށީ 2009ގައެވެ.
