ގަމުގެ 5 މިސްކިތެއްގައި ސޯލާ ޕެނަލް ހަރުކޮށްފި
25 ޖޫން 2023 | އާދީއްތަ 02:34ކަރަންޓު ބިލު އެތައް ގުނައަކުން ކުޑަވެގެންދާނެ
ގަމު މިސްކިތްތަކުގައި ސޯލާ ޕެނަލް ހަރުކުރުން
ފެނަކަ ކޯޕަރޭޝަނުން ލ. ގަމުގެ 5 މިސްކިތެއްގައި ސޯލާ ޕެނަލް ހަރުކޮށްފިއެވެ.
ފެނަކައިން ބުނީ ލ. ގަމުގެ މިސްކިތްތަކުގައި އަވިން ހަކަތަ އުފައްދާ ނިޒާމު ހަރުކޮށްފައިވަނީ އެ ކުންފުންޏާއި ލ. ގަން ކައުންސިލާ ދެމެދު ވެވުނު އެއްބަސްވުމުގެ ދަށުން ކަމަށެވެ.
މިގޮތުން 5 މިސްކިތެއްގައި ސޯލާ ޕެނަލް ހަރުކޮށްފައިވާއިރު، މިއީ ކަރަންޓު ބިލަށް އަރާވަރު އެތައް ގުނައަކުން ކުޑަކުރެވޭނެ ކަމެއް ކަމަށް ފެނަކައިން ބުނެއެވެ.
މިގޮތުން މިބަދަލާއެކު މީގެ ކުރިން ކަރަންޓު ބިލަށް އަރަމުންދިޔަ 122,600 (އެއްލައްކަ ބާވީސްހާސް ހަސަތޭކަ) ރުފިޔާ 49,100 ރުފިޔާ އަށް ކުޑަކުރެވިފައިވާ ކަމަށް ފެނަކައިން ބުނެއެވެ.
ފެނަކައިން ދަނީ ރާއްޖޭގެ ގިނަ ރަށްރަށުގެ މިސްކިތްތަކުގައި ސޯލާ ޕެނަލް ހަރުކުރުމުގެ މަސައްކަތް ކުރަމުންނެވެ.
