އިންޓަރ ސްކޫލް ޓޭބަލް ޓެނިސް މުބާރާތުގައި ވާދަކުރި ހުރިހާ އިވެންޓަކުން އުއްމީދީ ކުޅުންތެރިޔާ މިޝްކާ މުޙައްމަދު އިބްރާހީމް ރަން މެޑަލް ހޯދައިފިއެވެ.
ޒުވާން ކުޅުންތެރިޔާ ވަނީ ހަތަރު ރަން މެޑަލް ހޯދާފައެވެ. އޭގެ ތެރޭގައި 19 އަހަރުން ދަށާއި 17 އަހަރުން ދަށާ އަދި 15 އަހަރުން ދަށުގެ އަންހެން ސިންގަލްސް ޗެމްޕިއަންކަން ހޯދުން ހިމެނެއެވެ. މި ކެޓަގަރީގެ ޓީމް އިވެންޓްގެ ޗެމްޕިއަންކަން ހޯދީ މިޝްކާ ކުޅުނު އަމީނިއްޔާ ސްކޫލެވެ.
އައިޝަތު އަލްސާ ނާފިޒުއާއެކު 15 އަހަރުން ދަށުގެ އަންހެން ޑަބަލްސް ޗެމްޕިއަންކަން ހޯދީވެސް މިޝްކާއެވެ. ފައިނަލް މެޗުތަކަށްފަހު މިޝްކާ ބުނީ މިކާމިޔާބީ ހޯދަން ބުރަކޮށް މަސައްކަތްކުރާތާ ވަރަށް ގިނަ ދުވަސްވެއްޖެކަމަށެވެ.
ވަރަށްގިނަ ދުވަސްފަހުން މިޝްކާއަށް އަދި ގޯލްޑް މިލިބުނީ. އެންމެ ޓަފް މެޗަކީ އަންޑަރ 17 ގެ ފައިނަލް މެޗު. ވަރަށް ރަނގަޅު މުބާރާތެއް މީ.މިޝްކާ މުޙައްމަދު އިބްރާހީމް
މިއީ ޓޭބަލް ޓެނިސްގެ ތާރީޚުގައިވެސް އެންމެ ގިނަ ކުޅުންތެރިން ވާދަކުރި, އެންމެ ކާމިޔާބު މުބާރާތްކަން އެސޯސިއޭޝަނުން ފާހަގަކުރެއެވެ. މިމުބާރާތުގައި 600 އަށްވުރެ ގިނަ މެޗްކުޅުނެވެ.
