ވުލްވްސްގެ ކެޕްޓަން ރުބެން ނެވޭސް ސައުދީ އަރަބިއްޔާގެ އަލް ހިލާލް އަށް ވިއްކާލުމަށް 55 މިލިއަން ޔޫރޯ (47 މިލިއަން ޕައުންޑް) ގެ އެއްބަސްވުމެއް ހެދުމަށް ވުލްވްސް އިން އެއްބަސްވެއްޖެ އެވެ.
އުމުރުން 26 އަހަރުގެ ޕޯޗުގަލް މިޑްފީލްޑަރު ނެވޭސްގެ ކޮންޓްރެކްޓްގައި ބާކީ އޮތީ އެއް އަހަރެވެ. އޭނާ ބުނީ މިދިޔަ ސީޒަން ނިމުނުއިރު ބާސެލޯނާގެ ޝައުގުވެރިކަމާ އެކު އޭނާ ހުރީ ވަރަށް އުއްމީދާއެކު ކަމަށެވެ. އެހެން ނަމަވެސް ބާސާއިން ރަނގަޅު ހުށަހެޅުމެއް ހުށަހަޅާފައި ނުވާއިރު، ނެވޭސް ވަނީ ސައުދީ ލީގާ އެންމެ ފަހުން ގުޅުނު މަޝްހޫރު ކުޅުންތެރިޔާއަށް ވެފައެވެ.
ކަރީމް ބެންޒެމާ މި މަހު އަލް އިއްތިހާދަށް ހިލޭ ޓްރާންސްފާއެއް ފުރިހަމަކުރިއިރު ޗެލްސީގެ މިޑްފީލްޑަރު އެންގޯލޯ ކާންޓޭ އޭނާއާ ގުޅުނުއިރު ކްރިސްޓިއާނޯ ރޮނާލްޑޯ އަލް ނަސްރަށް ބަދަލުވީ މިދިޔަ ޑިސެމްބަރު މަހުގެ ތެރޭގައެވެ.
ޕޯޓޯއިން 2017 ވަނަ އަހަރު ގުޅުނު ފަހުން ނެވޭސް ވަނީ އެ ޓީމުގެ ކާމިޔާބީގެ މައިގަނޑު އަސާސަށް ވެފައެވެ. އޭގެ އެއް އަހަރު ފަހުން އެ ޓީމަށް ޗެމްޕިއަންޝިޕް ކާމިޔާބުކޮށް، އޭގެ ފަހުން ޕްރިމިއާ ލީގުގެ ހަތް ވަނައިގައި ޖެހިޖެހިގެން ދެ ފަހަރަށް އެ ޓީމު ނިިިންމިއިރު އޭނާ ވަނީ މޮޅު ކުޅުމެއް ދައްކައިފަ އެވެ.
ވުލްވްސް އިން ސްކޮޑް ވަރުގަދަ ކުރުމަށް ފައިސާ ހޯދުމުގެ މަސައްކަތް ކުރަމުންދާ މި ދަނޑިވަޅުގައި އެ ޓީމުން ދެކެނީ މިއީ މޮޅު ވިޔަފާރިއެއްގެ ގޮތުގަ އެވެ.
