ރިސޯޓެއްގައި ފަތުރުވެރިއަކު ރޭޕްކުރި މައްސަލައެއް ތަހުގީގު ކުރަން ފަށައިފި
18 ޖޫން 2023 | އާދީއްތަ 07:37ރޭޕްކުރި މައްސަލަ ހުށަހެޅީ ޖޫން 6 ގައި
ސިމާހާ ނަސީމް | 18 ޖޫން 2023 | އާދީއްތަ 07:37
ފުލުހުން ބަންދުކޮށްފައިވާ ސަރަހައްދެއް
ރިސޯޓެއްގައި ފަތުރުވެރިއަކު ރޭޕްކުރި މައްސަލައެއް ތަހުގީގު ކުރަން ފަށައިފިއެވެ.
ފުލުހުން ބުނީ ކ. އަތޮޅު ރަށެއްގައި ޗުއްޓީ ހޭދަކުރަމުންދިޔަ ފަތުރުވެރިޔަކު ރޭޕްކޮށްފައިވާ މައްސަލައެއް ޖޫން 6 ވަނަ ދުވަހު ފުލުހުންނަށް ހުށަހަޅާފައިވާ ކަމަށެވެ.
މި މައްސަލައިގެ ތަހުޤީޤަށް ބޭނުންވާ ސާމްޕަލް ނަގައި، ސުވާލުކުރަންޖެހޭ ފަރާތްތަކާ ސުވާލު ކުރުމުގެ މަސައްކަތް ކުރަމުންދާ ކަމަށް ވެސް ފުލުހުން ބުންޏެވެ.
މި މައްސަލައާ ގުޅިގެން އެއްވެސް މީހަކު މިހާތަނަށް ހައްޔަރުކޮށްފައިނުވާ ކަމަށް ފުލުހުން ވަނީ ބުނެފައެވެ.
