ފައިސަލަށް އަނިޔާވެ ޓީމާ ދުރަށް، ފަހު ވަގުތު ހާސްކަމެއް
ފައިސަލަށް ލިބުނީ ކަކުލުގެ އަނިޔާ އެއް
ޝައިހާން ޒަރީރް | 16 ޖޫން 2023 | ހުކުރު 13:53
ޤައުމީ ޓީމުގެ ޓްރެއިނިންގ ގައި ފައިސަލް
ސާފް ޗެމްޕިއަންޝިޕް ފުޓުބޯޅަ މުބާރާތް ފެށުމަށް މަދު ދުވަސް ކޮޅަކަށް ވެފައި ވަނިކޮށް، ޤައުމީ ޓީމުގެ އެއް ނަންބަރު ގޯލްކީޕަރު މުޙައްމަދު ފައިސަލް އަށް އަނިޔާވެ ޓީމާ ދުރަށް ދާން ޖެހިއްޖެ އެވެ.
ފައިސަލަށް އަނިޔާވެފައި ވަނީ މުބާރާތަށް ތައްޔާރުވުމަށް ޤައުމީ ޓީމުން ޖަޕާނުގައި ކުރިއަށް ގެންދިޔަ ކޭމްޕުގެ ތެރެއިންނެވެ. އެއަށްފަހު ސްރީ ލަންކާގެ ކޮލަމްބޯގައި ކުރިއަށް ގެންދިޔަ އިތުރު ޓެސްޓުތަކުން ދެއްކި ގޮތުގައި ފައިސަލަށް އިތުރަށް ޓީމާއެކު ކުރިއަށް ދެވޭ ގޮތެއް ނުވި އެވެ. ފައިސަލަށް ލިބިފައި ވަނީ ކަކުލުގެ އަނިޔާ އެކެވެ.
ފައިސަލަށް އަނިޔާވުމާއެކު، އޭނާގެ ބަަދަލުގައި ޔުނައިޓެޑު ވިކްޓްރީ (ޔޫވީ)ގެ ގޯލް ކީޕަރު ނާޖިހު އަށް ޤައުމީ ޓީމުން ފުރުސަތު ދިނުމަށް މިހާރު ވަނީ ނިންމައިފަ އެވެ.
