މާލޭގެ ގެއެއްގައި ގޭސް ފުޅިއެއް ގޮވައިފި
16 ޖޫން 2023 | ހުކުރު 12:16މި ހާދިސާގެ މައުލޫމާތު ލިބިފައިވަނީ ހުކުރު ދުވަހު 14:25 އެހާއިރު
އަމްނާ އިމާދު | 16 ޖޫން 2023 | ހުކުރު 12:16
ގޭސްފުޅި ގޮވި ގޭގައި އެމްއެންޑީއެފް ފަޔަރ އެންޑް ރެސްކިޔު ސަރވިސްއިން ހަރަކާތްތެރިވަނީ
މާލޭގެ ގެއެއްގައި ގޭސްފުޅިއެއް ގޮވައިގެން އެމްއެންޑީއެފުން ހަރަކާތްތެރިވެއްޖެއެވެ.
އެމްއެންޑީއެފުން ބުނީ މއ. ގުލާބީގޭގެ 5 ވަނަ ފަންގިފިލާގައި ގޭސް އެކްސްޕްލޯޝަނެއް ހިނގައިގެން އެމްއެންޑީއެފް ފަޔަރ އެންޑް ރެސްކިޔު ސަރވިސްއިން ހަރަކާތްތެރިވެފައިވާ ކަމަށެވެ.
މި ހާދިސާގެ މައުލޫމާތު ލިބިފައިވަނީ ހުކުރު ދުވަހު 14:25 އެހާއިރު އެވެ.
އެމްއެންޑީއެފުން ބުނީ ގޭސް ލީކުވެފައިހުއްޓާ އުނދުން ރޯކުރުމުގެ ސަބަބުން ހިނގި އަލިފާނުގެ ހާދިސާގައި 35 އަހަރުގެ އަންހެނަކަށް ނޭވާލާން އުނދަގޫވެގެން ހޮސްޕިޓަލަށް ގެންގޮސްފައިވާކަމުގެ މަޢުލޫމާތުވަނީ ލިބިފައިވާ ކަމަށެވެ.
މި ހާދިސާގައި އުނދުނަށް ވެސް ވަނީ ގެއްލުންވެފައެވެ.
