58 އިންސައްތައިން ރައީސް އިންތިހާބު ކާމިޔާބު ކުރައްވާނެ - ޖާބިރު
16 ޖޫން 2023 | ހުކުރު 10:06ކޯލިޝަނަކީ ގަބޫލުކުރާ އެއްޗެއް ނޫން
ކާށިދޫ ދާއިރާގެ މެންބަރު އަބްދުﷲ ޖާބިރު
ސެޕްޓެމްބަރު މަހުގައި ބާއްވާ ރިޔާސީ އިންތިހާބުގައި ރައީސުލްޖުމްހޫރިއްޔާ އިބްރާހިމް މުހައްމަދު ޞާލިހް 58 އިންސައްތަ ކާމިޔާބުކުރައްވާނެކަމަށް ކާށިދޫ ދާއިރާގެ މެންބަރު އަބްދުﷲ ޖާބިރު ވިދާޅުވެއްޖެއެވެ.
ރާއްޖެ ޓީވީގެ ފަށާއިރު ޕްރޮގްރާމުގައި ވާހަކަ ދައްކަވަމުން ޖާބިރު ވިދާޅުވީ އޭނާއަކީ އެއްވެސް އިރެއްގައި ކޯލިޝަން ގަބޫލުކުރެއްވި ބޭފުޅެއް ނޫން ކަމަށެވެ. ޖާބިރު ވިދާޅުވީ އޭނާ ގަބޫލުކުރައްވާ ގޮތުގައި އެއީ ހަރާން އެއްޗެއް ކަމަށެވެ. އެއީ ރާއްޖޭގެ ވެރިކަން ކުރަން ވާނި ރައީސުލްޖުމްހޫރިއްޔާ އާއި އޭނާގެ ނައިބާއި ކެބިނެޓް ކަމަށް ގާނޫނު އަސާސީގައި ސްޓްރަކްޗަރ ކޮށްފައި އޮންނާތީ ކަމަށެވެ.
ޖާބިރު ވިދާޅުވީ ކޯލިޝަންއަކީ މާ ނުފަރިތަ ސިސްޓަމެއް ކަމަށެވެ. އަދި އޭގެ ނަތީޖާ އެއް ނުފެންނަ ކަމަށާއި، އެއީ ދެތިން ޕާޓީއަކަށް ފައިދާވާ ސިސްޓަމެއް ކަމަށެވެ. އަދި މުޅި ރާއްޖޭގެ ހުރިހާ ރައްޔިތުންނަށް ފައިދާވާނީ ރައީސުލްޖުމްހޫރިއްޔާ އެއްބުރުން ހޮވައިގެން ކަމަށް ޖާބިރު ވިދާޅުވިއެވެ.
ޖާބިރު ވިދާޅުވީ ރިޔާސީ އިންތިހާބަށް، ރައީސް ޞާލިހު ފިޔަވައި، ދެންތިބި ބޭފުޅުން ތިއްބެވީ އެހާ ތައްޔާރުވެވަޑައިގެން ނޫން ކަމަށެވެ. ޖުމްހޫރީ ޕާޓީގެ ލީޑަރު ގާސިމް އިބްރާހިމް ވިދާޅުވީ، އަތުގައި ލާރިއެއް ނެތް ކަމަށާއި، ދެން އެހިސާބުން އެ ފެއިލްވީ ކަމަށް ޖާބިރު ވިދާޅުވިއެވެ.
ޖާބިރު ވިދާޅުވީ ރާއްޖޭގެ މެޖޯރިޓީގެ ތެރެއިން ޕާޓީ ސިސްޓަމަށް ތާއިދުނުކުރާ މީހުން ވަރަށް ގިނަ ކަމަށެވެ. އެކަމަކު ރައީސުލްޖުމްހޫރިއްޔާއަށް ތާއިދުކުރައްވާ މީހުން ތިބެދާނެ ކަމަށާއި، ދެ ފެމެލީ ދޭތެރޭގެ ނާޗަރަންގީ ދެކެ މީހުން ފޫހިވެއްޖެ ކަމަށެވެ.
