އަމީން ޢާއްމާއި މަޝްވަރާކޮށްގެން މަޖިލިސް ނުހުއްޓި ކުރިއަށްގެންދެވޭނެކަމުގެ އުންމީދު އެބައޮތް - އަސްލަމް
12 ޖޫން 2023 | ހޯމަ 03:44ހޯމަ ދުވަހު އޮންނަ ޖަލްސާއަށް އީވާގެ އިތުބާރު ނެތްކަމުގެ މައްސަލަ އެޖެންޑާކުރުން ގަވާއިދު ލާޒިމުކުރާކަމުގައި އެމްޑީޕީން ޤަބޫލުކުރޭ
އެމްޑީޕީ ޕީޖީ ގްރޫޕުގެ ލީޑަރު މެންބަރު މުޙައްމަދު އަސްލަމް
މަޖިލީހުގެ އަމީން ޢާއްމާއި މަޝްވަރާކޮށްގެން މަޖިލިސް ނުހުއްޓި ކުރިއަށް ގެންދެވޭނެ ކަމުގެ އުންމީދު އެބަ އޮތްކަމަށް އެމްޑީޕީގެ ޕީޖީ ގްރޫޕްގެ ލީޑަރ މުހައްމަދު އަސްލަމް ވިދާޅުވެއްޖެއެވެ.
އަސްލަމް އެފަދައިން ވިދާޅުވީ ރާއްޖެޓީވީގެ ފަލަސުރުހީ ޕްރޮގްރާމްގައި ވާހަކަދައްކަވަމުންނެވެ. އަސްލަމް ވިދާޅުވީ އަމީން ޢާއްމުގެ މަސައްކަތްތައް މިހާތަނަށް ވެސް ކުރައްވަމުން އައީ ވަރަށް ރަނގަޅަށް ކަމަށާއި އެކަމަނާ އަކީ ތައުލީމީ ޤާބިލް ބޭފުޅެއް ކަމަށެވެ. އެހެންކަމުން މަޖިލީހުގެ މަސައްކަތްތައް ހުއްޓިފައި އޮންނަ އޮތުން ނިމުމަކަށް ގެނެސް މަސައްކަތްތައް ކުރިއަށް ގެންދިއުމަށް އެކުގައި މަސައްކަތް ނުކުރެވެންވީ ސަބަބެއް ނެތް ކަމަށް އަސްލަމް ވިދާޅުވިއެވެ. އެހެންނަމަވެސް އަމީން ޢާއްމަށް ބައެއް ކަންކަން ކުރެއްވިފައި ވަނީ ރަނގަޅަށް ނޫން ކަަމަށް އަސްލަމް ވިދާޅުވިއެވެ. އެގޮތުން މަޖިލީހުގެ ނައިބު ރައީސް އީވާ އަބްދުﷲގެ މައްސަލަ އެޖެންޑާ ކުރުމަށްފަހު މައްސަލަ ކުރިއަށް ނުގެންގޮސް އެހެން މައްސަލަތައް ކުރިއަށް ގެންދިއުމާއިމެދު އަމީން ޢާއްމު ނިންމެވީ އެންމެ ރަނގަޅު ނިންމުން ނޫން ކަމަށާއި އެ ނިންމުން އަވަހަށް ރުޖޫއަކުރެއްވުމަށް ގޮވާލައްވާ ކަމަށް އަސްލަމް ވިދާޅުވިއެވެ.
އަސްލަމް ވަނީރައްޔިތުންގެ މަޖިލީހުގެ އަމީން އާންމަށް ސިޓީފުޅެއް ފޮނުއްވާފައެވެ. 12 ޖޫން 2023 ވާ ހޯމަ ދުވަހު އޮންނަ ޖަލްސާއަށް ރައްޔިތުންގެ މަޖިލީހުގެ ނާއިބު ރައީސްގެ އިތުބާރު ނެތްކަމުގެ މައްސަލަ އެޖެންޑާކުރުން ގަވާއިދު ލާޒިމުކުރާކަމުގައި އެމްޑީޕީން ޤަބޫލުކުރެއެވެ.
