މި އަހަރުގެ އަމީރުލްހައްޖަކަށް ނާއިބު ރައީސް ފައިސަލް
މިއަހަރު ހައްޖުގެ އަޅުކަމަށްދާ މީހުންގެ ތެރޭގައި ގިނައީ އުމުރުން ދުވަސްވީ މީހުން
ކުރީ އަހަރުގެ ހައްޖުވެރިންނާއި ނާއިބް ރައީސް ބައްދަލުކުރެއްވުން
މިއަހަރު ރާއްޖެއިން ހައްޖަށްދާ މީހުންގެ ކަންތައްތައް އިސްކޮށް ބެލެހެއްޓެވުމުގެ ގޮތުން ހަރަކާތްތެރިވެވަޑައިގަންނަވާ އަމީރުލްހައްޖުގެ ގޮތުގައި ނާއިބު ރައީސް ފައިސަލް ނަސީމް ހަމަޖައްސަވައިފިއެވެ.
މި އަހަރުގެ އަމީރުލްހައްޖަކީ ފައިސަލް ކަމަށް ނިންމަވާފައި ވަނީ ރައީސް އިބްރާހީމް މުހައްމަދު ސާލިހުއެވެ.
އަމީރުލްހައްޖުގެ ގޮތުގައި އައްޔަނު ކުރައްވަނީ ދިވެހި ދައުލަތުގެ ފަރާތުން ރާއްޖެއިން ހައްޖަށްދާ މީހުންގެ އެންމެހައި ކަންތައްތައް ބެލެހެއްޓުމުގައި އެންމެ އިސްކޮށް ހަރަކާތްތެރިވެވަޑައިގަންނަވާނެ ބޭފުޅެކެވެ.
ރާއްޖެއިން މިއަހަރު ހައްޖަށް މީހުން ގެންދިއުމަށް ހުއްދަ ދީފައިވަނީ ހައްޖު ކޯޕަރޭޝަންގެ އިތުރުން އަމިއްލަ 3 ކުންފުންޏަކަށެވެ.
ދިވެހި ހައްޖުވެރިން ހައްޖަށް ދިއުމަށް ފުރަން ހަމަޖެހިފައި ވަނީ މާދަމާއިން ފެށިގެންނެވެ.
ރާއްޖެއިން މިއަހަރު ހައްޖަށް މީހުން ގެންދިއުމަށް ސައޫދީ އަރަބިއްޔާއިން 1000 ކޯޓާ ދީފައިވެއެވެ.
މިއަހަރު ހައްޖުގެ އަޅުކަމަށްދާ މީހުންގެ ތެރޭގައި ގިނައީ އުމުރުން ދުވަސްވީ މީހުންނެވެ.
