"އައިޑެންޓިފިކޭޝަން އޮފް ސްމޯލް އަރމްސް، އެކްސްޕްލޯސިވްސް އެންޑް ކެމިކަލްސް" ނަމުގައި ޕްރޮގްރާމެއް ކުރިއަށް ގެންގޮސްފި
5 ޖޫން 2023 | ހޯމަ 10:32މި ޕްރޮގްރާމުގައި ކަސްޓަމްސް ސަރވިސްގެ 60 މުވައްޒަފުން ވަނީ ބައިވެރިވެފައި
އައިޑެންޓިފިކޭޝަން އޮފް ސްމޯލް އަރމްސް، އެކްސްޕްލޯސިވްސް އެންޑް ކެމިކަލްސް ޕްރޮގްރާމްގެ ތެރެއިން
އެމްއެންޑީއެފް ފަޔަރ އެންޑް ރެސްކިޔު ސަރވިސްއާއި އެމްއެންޑީއެފް އޯޑްނަންސް ސަރވިސް އާ ގުޅިގެން މޯލްޑިވްސް ކަސްޓަމްސް ސަރވިސްގެ މުވައްޒަފުންނަށް "އައިޑެންޓިފިކޭޝަން އޮފް ސްމޯލް އަރމްސް، އެކްސްޕްލޯސިވްސް އެންޑް ކެމިކަލްސް" ގެ ނަމުގައި ޕްރޮގްރާމެއް ކުރިއަށް ގެންގޮސްފިއެވެ.
މޯލްޑިވްސް ކަސްޓަމްސް ސަރވިސްގެ އެދިލެއްވުމަކަށް ކުރިއަށް ގެންދިޔަ މި ޕްރޮގްރާމުގައި ކަސްޓަމްސް ސަރވިސްގެ 60 މުވައްޒަފުން ވަނީ ބައިވެރިވެފައެވެ. މެއި މަހުގެ 27 އިން ޖޫން މަހުގެ 1 ވަނަ ދުވަހުގެ ނިޔަލަށް ކުރިއަށް ގެންދިޔަ މި ޕްރޮގްރާމަކީ ކަސްޓަމްސް ސަރވިސްގެ މުވައްޒަފުންގެ މެދުގައި، ހަތިޔާރާއި ގޮވާތަކެތި އަދި އެކި ބާވަތުގެ ކެމިކަލް ދެނެގަތުމުގެ ޤާބިލްކަން އިތުރުކުރުމުގެ މަޤްސަދުގައި ކުރިއަށް ގެންދިޔަ ޕްރޮގްރާމެކެވެ.
ދެ ދަންފަޅިއަކަށް ބަހާލައިގެން ކުރިއަށް ގެންދިޔަ މި ޕްރޮގްރާމުގެ ބައިވެރިން ވަނީ ޕްރޮގްރާމް ފުރިހަމަކޮށް އެކަމުގެ ސެޓްފިކެޓު ހާސިލްކޮށްފައެވެ. މި ޕްރޮގްރާމުގެ ކުލާސްތައް ނަގާދީފައި ވަނީ މި ދާއިރާއިން ތަޢުލީމާއި، ތަމްރީނާއި، ތަޖުރިބާ ހޯދާފައިވާ އެފްއާރުއެސް އަދި އޯޑްނަންސް ސަރވިސްގެ ސިފައިންނެވެ.
