ޕީއެސްޖީ އިން އަސެންސިއޯ އާއެކު އެއްބަސްވުމަކަށް
އަސެންސިއޯ ޕީއެސްޖީ އާ އެކު ހަދާ އެއްބަސްވުން ހަމަވާނީ 2027 ވަނަ އަހަރު
އަސެންސިއޯ އަދި ވިނީޝިއަސް
ރެއާލް މެޑްރިޑް ދޫކޮށްލާކަން އިއުލާނުކޮށްފައިވާ މާކޯ އަސެންސިއޯ އާއެކު ޕެރިސް ސެއިންޓް ޖާމަން (ޕީއެސްޖީ) އިން އެއްބަސްވުމަކަށް އާދެވިއްޖެކަމަށް ބޭރުގެ ރިޕޯޓުތަކުން ބުނެފިއެވެ.
މިއަހަރު ޖޫން މަހު އެއްބަސްވުން ހަމަވުމުން ޓީމު ދޫކޮށްލަން ނިންމާފައިވާ އަސެންސިއޯ ޕީއެސްޖީ އާ އެކު ހަދާ އެއްބަސްވުން ހަމަވާނީ 2027 ވަނަ އަހަރުގެ ޖޫންގައި ކަމަށް ރިޕޯޓު ކުރެވިފައިވެއެވެ. އަދި އަންނަ ހަފުތާ ތެރޭގައި ޕީއެސްޖީ އާއެކު އަސެންސިއޯ ރަސްމީކޮށް ސޮއި ކުރާނެކަމަށް ބެލެވެއެވެ.
މި ދުވަސްވަރަކީ ޓްރާންސްފާގެ ބާޒާރު ހަލަބޮލި ދުވަސްވަރެކެވެ. ރެއާލް މެޑްރިޑުން މާކޯ އަސެންސިއޯ އާ އެޑެން ހަޒާޑުގެ އިތުރުން މަރިއާނޯ ޑިއާޒް ދޫކޮށްލާފައިވާއިރު، ޕީއެސްޖީގެ މެސީ އާއި ސާޖިއޯ ރާމޮސް ވަނީ އެ ޓީމު ދޫކޮށްލަން ނިންމާފައެވެ.
