ސާޓާ އެވޯޑްގެ ޖަޖުންގެ ޕެނަލުން އިވެލުއޭޝަން ފަށައިފި
މި އިވެލުއޭޝަންގައި ދެކުނު އޭޝިއާގެ ގައުމުތަކަށް ޖަޖުން ދަތުރުކުރާނެ
ސާޓާ އެވޯޑްގެ ޖަޖުންގެ ޕެނަލް
ސާޓާ އެވޯޑްގެ ޖަޖުންގެ ޕެނަލުން އިވެލުއޭޝަން ފަށައިފިއެވެ.
މި އިވެލުއޭޝަންގައި ދެކުނު އޭޝިއާގެ ގައުމުތަކަށް ޖަޖުން ދަތުރުކުރާނެއެވެ. އެގޮތުން ސްރީލަންކާ، އިންޑިއާ، ނޭޕާލް، ބޫޓާން އަދި ބަންގްލަދޭޝަށް ވެސް ދަތުރުކުރުމަށް ހަމަޖެހިފައިވެއެވެ.
37 ކެޓަގަރީއާއެކު ދެކުނު އޭޝިއާގައި ދޭ ފަތުރުވެރިކަމުގެ އެންމެ ޝަރަފުވެރި އެއް އެވޯޑު ކަމަށްވާ ސައުތު އޭޝިއަން ޓްރެވަލް އެވޯޑްސް (ސާޓާ) އެވޯޑް ކުލަގަދަކޮށް ބޭއްވުމަށް ވަނީ ތައްޔާރުވެފައެވެ. މިފަހަރުގެ ސާޓާ އެވޯޑްސް ބާއްވަނީ އޮކްޓޯބަރުގައެވެ.
މި ސަރަހައްދުގެ މަގުބޫލު އެވޯޑެއްގެގޮތުގައި ސާޓާ އެވޯޑު ފާހަގަކުރެވޭއިރު، މި އެވޯޑު އެންމެ ފުރަތަމަ ދޭންފެށީ 2016 ވަނަ އަހަރުއެވެ.
މި އެވޯޑަކީ ދެކުނު އޭޝިއާގެ ގައުމުތަކުގެ ތެރެއިން ފަތުރުވެރިކަމުގެ ދާއިރާގައި ކުރިއަރާފައިވާ ފަރާތްތަކާއި އެ ފަރާތްތަކުން ކުރަމުން އަންނަ މަސައްކަތްތަކުގެ އަގު ވަޒަންކުރުމުގެގޮތުން ދޭ އެވޯޑެކެވެ. މިއީ މި ސަރަހައްދުގެ ގައުމުތަކުގެ ތެރެއިން އެންމެ ގިނަ ގައުމުތައް ހިމެނޭ އެސޯސިއޭޝަންތަކުން ވެސް އެންޑޯޒުކޮށްފައިވާ އެވޯޑެކެވެ.
