ޗެލްސީގެ ކޯޗަކަށް ޕޮޗެޓީނޯ ހަމަޖައްސައިފި
29 މެއި 2023 | ހޯމަ 12:40އޭނާ އެންމެ ފަހުން ކޯޗުކޮށްދިނީ ޕީއެސްޖީ އަށް
މައުރީސިއޯ ޕޮޗެޓީނޯ: ޗެލްސީގެ އައު ކޯޗަކީ އޭނާ
ހުސްވެފައިވާ ޗެލްސީގެ ކޯޗަކަށް މައުރީސިއޯ ޕޮޗެޓިނޯ ހަމަޖައްސައިފި އެވެ.
އުމުރުން މިހާރު 51 އަހަރުގެ ކޯޗު ވަނީ އިނގިރޭސިވިލާތުގެ ޓޮޓެންހަމާއި ފްރާންސްގެ ޕީއެސްޖީއަށް ކޯޗުކޮށްދީފަ އެވެ. މިސީޒަން ފެށުމުގެ ކުރިން ޕީއެސްޖީގެ ކޯޗުކަމުން އޭނާ ވަކިކުރުމުން ޕޮޗެޓީނޯ މިހާތަނަށް ހުރީ ވަޒީފާއެއްނެތި އެވެ.
ޗެލްސީން މިއަދު ނެރުނު ބަޔާނުގައި ބުނެފައިވަނީ މިހެންނެވެ.
ޕޮޗެޓީނޯ ހަވާލުވާން މި ޖެހުނީ ޕްރެމިއާ ލީގުގެ 12 ވަނައިގައި ސީޒަން ނިންމާލުމުން އަންނަ ސީޒަނުގައި ޗެލްސީ އަށް ޔޫރަޕުގެ އެއްވެސް މުބާރާތެއްގައި ނުކުޅެވޭނެކަން ކަށަވަރުވެފައިވަނިކޮށެވެ. ނަމަވެސް ޓީމު ވަރުގަދަކޮށް އަންނަ ސީޒަނުގެ ޕްރެމިއާ ލީގަށް ވާދަކުރުމަކީ އޭނާގެ އަމާޒެކެވެ.
ރަޝިޔާގެ މަހުޖަނު ރޯމަން އަބްރޮމިވިޗް އަށް ފަހު ޗެލްސީއާ ހަވާލުވި ޓޮޑް ބޮއެލީ ވަނީ މިހާތަނަށް 600 މިލިއަން ޕައުންޑަށްވުރެ ގިނަ ޔޫރޯ ކުލަބަށް ހޭދަކޮށްފަ އެވެ.
