ފޯ ސީޒަންސް ކުޑަހުރާ ރިސޯޓްގެ މުވައްޒަފުންނަށް، ފަޔަރ އެންޑް ރެސްކިޔު ސަރވިސްއިން، އިންޑަސްޓްރިއަލް ފަޔަރ ބްރިގޭޑް ކޯހެއް ބާއްވައިފިއެވެ.

ވިލިމާލޭގައި ހުންނަ ފަޔަރ އެންޑް ރެސްކިޔު ޓްރެއިނިންގ ސްކޫލުގައި މެއި 13އިން 23 ވަނަ ދުވަހަށް ކުރިއަށްގެންދިޔަ މި ކޯހުގައި އެ ރިސޯޓުގެ 13 މުވައްޒަފުން ބައިވެރިވިއެވެ.

މި ކޯހުގައި ކިޔަވައިދިން ބައިތަކުގެ ތެރޭގައި؛ އަލިފާނުގެ ހާދިސާއެއް ހިނގައިފިނަމަ އަމަލުކުރަން ޖެހޭނެ ގޮތްތަކާއި، އަލިފާން ނިއްވުމަށް ބޭނުންކުރާ ސާމާނުތައް ބޭނުންކޮށްގެން އަލިފާން ނިއްވާނެ ގޮތްތައް ވަނީ ދަސްކޮށްދީފައެވެ. 

މި ތަމްރީނު ކޯހަކީ ރިސޯޓުތަކުގައި ގާއިމުކުރެވޭ އިންޑަސްޓްރިއަލް ފަޔަރ ސްކޮޑުގެ މުވައްޒަފުންނަށް އަލިފާން ނިއްވުމުގެ މަސައްކަތް ކުރެވޭ ފެންވަރަށް އިލްމާއި ހުނަރު އުނގަންނައިދީ، ތަމްރީނު ކުރުމަށް ހިންގޭ ކޯހެކެވެ.

މި ޕްރޮގްރާމުގައި މުދައްރިބުންގެ ގޮތުގައި ހަރަކާތްތެރިވީ ފަޔަރ އެންޑް ރެސްކިޔު ޓްރެއިނިންގ ސްކޫލުގެ ފަޔަރމަނުންނެވެ.