ސިނަމާލެ ބްރިޖުގެ ހައިވޭގައި ހިނގި އެކްސިޑެންޓެއްގައި އަނިޔާވި ރައްޔިތުންގެ މަޖިލީހުގެ ވިލިނގިލީ ދާއިރާގެ މެންބަރު ސައުދު ހުސައިންގެ ހާލު ރަނގަޅުކަމަށް އޭނާގެ އާއިލާ އިން ބުނެފިއެވެ.
އިތުބާރު ހުރި ފަރާތަކުން "ރާއްޖެ އެމްވީ" އަށް މައުލޫމާތު ދީފައިވާ ގޮތުން އޭނާގެ ހާލު ރަނގަޅު ނަމަވެސް އަދި ގެއަށް ދޫކޮށްލާފައެެއް ނުވެއެވެ.
ސައުދު ގެންދަވަނީ އޭނާ އަށް ލިބިވަޑައިގަތް އަނިިޔާތަކަށް އޭޑީކޭ ހޮސްޕިޓަލުން ފަރުވާ ހޯއްދަވަމުންނެވެ.
Advertisement
އެ ހާދިސާ ހިނގާފައި ވަނީ އަންގާރަ ދުވަހުގެ ހެނދުނު 10:30 ހާއިރު ސައުދު ދުއްވާފައި ދިޔަ ސައިކަލާއި ޕިކަޕާއި ޖެހިގެންނެވެ.
މި ހާދިސާ އާއި ގުޅިގެން އޭނާގެ ކޮޅުހުޅާއި ކަކުލަށް ވަނީ އަނިޔާތަކެއް ލިބިފައެވެ.
