މެމްބަރު ސައުދު އިންނެވި ސައިކަލާ ޕިކަޕެއް ޖެހި އެކްސިޑެންޓުވެއްޖެ
މި ހާދިސާ ހިނގާފައިވަނީ ބްރިޖް މަތީގައި
އެމްޕީ ސައުދު، ލިބިވަޑައިގެންނެވި އަނިޔާތަކަށް އޭޑީކޭ ހޮސްޕިޓަލުން ފަރުވާ ހޯއްދަވަނީ
ގއ. ވިލިނގިލީ ދާއިރާގެ މެމްބަރު ސައުދު ހުސައިން ސައިކަލެއްގައި ދުއްވަވާފައި ވަޑައިގަންނަވަނިކޮށް އެކްސިޑެންޓެއް ހިނގައިފިއެވެ.
އިތުބާރުހުރި ފަރާތަކުން ރާއްޖެއެމްވީއަށް މައުލޫމާތުދިންގޮތުގައި މި އެކްސިޑެންޓް ހިނގާފައިވަނީ މިއަދު މެންދުރު ފަހު، ބްރިޖް މަތީގައެވެ.
އެކްސިޑެންޓް ހިނގީ ސައުދު ދުއްވަން އިންނެވި ސައިކަލާ ޕިކަޕެއް ޖެހިގެންކަމަށް މައުލޫމާތުލިބެއެވެ. އަދި އޭނާ އިންނެވީ ގިނިކަންޏާކަމަށް އެ ފަރާތުން މައުލޫމާތުދީފައިވެއެވެ.
މި ހާދިސާގައި ސައުދުގެ އަތްޕުޅާއި ފައިންޕުޅަށް އަނިޔާވެފައިވެއެވެ. ސައުދު މިހާރު ގެންދަވަނީ ލިބިވަޑައިގަތް އަނިިޔާތަކަށް އޭޑީކޭ ހޮސްޕިޓަލުން ފަރުވާ ހޯއްދަވަމުންނެވެ.
މިހާތަނަށް ބެލި ބެލުމުން ސީރިއަސް އަނިޔާއެއް ލިބިވަޑައިގެންފައި ވާކަމެއް އަދި ނޭނގެއެވެ.
