މަޖިލީހުގެ ދެވަނަ ދައުރަށް ސަރުކާރުން 14 ބިލެއް
މިއަހަރުގެ ދެވަނަ ދައުރުގެ މަޖިލީހުގެ ޖަލްސާތައް ފަށާފައިވަނީ މި މަހުގެ 18 ވަނަ ދުވަހު
މަޖިލިސް ޖަލްސާގެ ތެރެއިން
މަޖިލީހުގެ ދެވަނަ ދައުރަށް ސަރުކާރުން 14 ބިލެއް ހުށަހަޅަން ނިންމާފައިވާ ކަމަށް އެޓަރނީ ޖެނެރަލްގެ އޮފީހުން ބުނެފިއެވެ.
އެޓަރނީ ޖެނެރަލްގެ އޮފީހުން ބުނީ ސަރުކާރުގެ ފަރާތުން ރައްޔިތުންގެ މަޖިލީހުގެ މި އަހަރުގެ ދެވަނަ ދައުރަށް ހުށަހެޅުމަށް ޤަޞްދުކުރާ ބިލުތައް، ރައްޔިތުންގެ މަޖިލީހުގެ ގަވާއިދުގެ 82 ވަނަ މާއްދާގެ (ރ) ގައި ބަޔާންކޮށްފައިވާ ގޮތުގެމަތިން ރައްޔިތުންގެ މަޖިލީހުގެ ރައީސަށް ފޮނުވާފައިވާ ކަމަށެވެ.
މިއަހަރުގެ ދެވަނަ ދައުރުގެ މަޖިލީހުގެ ޖަލްސާތައް ފަށާފައިވަނީ މި މަހުގެ 18 ވަނަ ދުވަހުއެވެ.
ސަރުކާރުގެ ފަރާތުން ރައްޔިތުންގެ މަޖިލީހުގެ 2022 ވަނަ އަހަރުގެ ފުރަތަމަ ދައުރުގައި 36 ބިލެއް ހުށަހަޅާފައިވެއެވެ. ފުރަތަމަ ދައުރުގައި ހުށަހެޅީ މިހާރު އަމަލު ކުރަމުންދާ ޤާނޫނުތަކަށް އިޞްލާހު ގެނައުމުގެ 22 ބިލަކާއި މުޅިން އަލަށް އެކުލަވާލާ 14 ބިލެކެވެ.
