ގްރޫޕް ވަރުގަދަ، އަމާޒަކީ ސެމީ ފައިނަލް: ބަނގްލަދޭޝް ކޯޗު
އެންމެ ބޮޑަށް ވިސްނަންޖެހޭނީ ލުބުނާން ޓީމަށް: ކޯޗު
ބަނގްލަދޭޝްގެ ގައުމީ ޓީމުގެ ކުޅުންތެރިން
ސާފް ޗެމްޕިއަންޝިޕް ފުޓްބޯޅަ މުބާރާތުގައި ބަނގްލަދޭޝްގެ އަމާޒަކީ ސެމީ ފައިނަލް ކަމަށް އެ ގައުމުން ބުނެފި އެވެ.
ބަނގްލަދޭޝްގެ ސްޕެއިން ކޯޗު ހާވިއާ ކަބްރޭރާ ބުނީ ލުބުނާނާއި ދިވެހިރާއްޖެ އާއި ބޫޓާން ހިމެނޭ ގްރޫޕް ވަރުގަދަ ކަމަށާއި ނަމަވެސް މަސައްކަތްކޮށްފިނަމަ ސެމީ ފައިނަލްއަށް ދެވޭނެ ކަމަށެވެ
މުބާރާތަށް ބަނގްލަދޭޝްއިން މިހާރު ވަނީ 35 ކުޅުންތެރިންގެ ސްކޮޑެއް ނަގައިފަ އެވެ. އަދި ކެމްބޯޑިއާގެ ގައުމީ ޓީމާއެކު އެކުވެރިކަމުގެ މެޗެއް ކުޅެ އެ ގައުމުގައި ހަފުތާއެއްގެ ކޭމްޕެއް ފުރިހަމަ ކުރަން ނިންމައިފަ އެވެ.
މުބާރާތަށް ބަނގްލަދޭޝް ރަސްމީކޮށް ޕްރެކްޓިސް ފަށާނީ އަންނަ މަހުގެ 4ގަ އެވެ. ކެމްބޯޑިއާ އަށް ދާނީ ޖޫން 15ގަ އެވެ. މުބާރާތް ބާއްވާ ބެންގަލޫރަށް ދާނީ ކެމްބޯޑިއާއިންނެވެ.
އަށް ގައުމު ދެ ގްރޫޕަކަށް ބަހާލައިގެން ކުޅޭ މުބާރާތް ފަށާނީ ޖޫން 21ގަ އެވެ.
